Veterinærinstituttet

Gun Peggy Strømstad Knudsen

administrerende direktør

<h2>Om stillinga</h2><p>Veterinærinstituttet søkjer no avdelingsdirektør som vil få det overordna faglege ansvaret for instituttet sitt arbeid innan dyrehelse og -velferd for landdyr, i tillegg til mattryggleik. </p><p>Veterinærinstituttet er Noregs leiande kunnskapsleverandør for nasjonal beredskap innan dyrehelse, dyrevelferd, samt fôr- og mattryggleik. Instituttet sin viktigaste funksjon er å utvikle beredskap og kunnskap for å avverge og bekjempe helsetruslar hos dyr på land og i vatn, og hos mennesker. Kunnskapsleveransar inkluderer forsking og innovasjon, diagnostikk, overvaking og risikovurderingar, miljøtiltak samt kunnskapsbasert beredskap. Instituttet har omfattande oppdrags- og forskingsaktivitet, og baserer i aukande grad ein stor del av verksemda på bruk av dyrehelsedata frå mange ulike kilder. Både offentleg forvaltning og private næringsaktørar er oppdragsgivarar og vi samarbeidar med mange ulike aktørar.</p><p>Vår nye avdelingsdirektør får eit stort ansvar i å vidareføre og vidareutvikle Veterinærinstituttet si leiande rolle som kunnskapsleverandør innan dyrehelse, dyrevelferd og mattryggleik, mellom anna ved å vere ein pådrivar i instituttet sin samfunnskontakt innan desse fagfelta. Kunnskapsleveransane omfattar forsking og innovasjon, rettleiing, diagnostikk, overvaking, risikovurderingar, og kunnskapsbasert beredskap. </p><p>Avdelinga har om lag 100 medarbeidarar og er organisert i fire seksjonar. Avdelinga si verksemd går føre seg ved instituttet sine lokale i Tromsø, Sandnes og Ås.</p><p>Du er velkomen til å ta kontakt med administreranda direktør Gun Peggy S. Knudsen for spørsmål om stillinga på telefon 90 61 52 51 eller på e-post gun.peggy.stromstad.knudsen&#64;vetinst.no</p><br /><h2>Arbeidsoppgåver</h2><p>Avdelingsdirektøren får ansvaret med å utvikle og leie avdelinga, og for den strategiske utviklinga av instituttet si verksemd innan fagområdet dyrehelse og -velferd for landdyr, samt mattryggleik. Du vil få økonomi- og resultatansvar for avdelinga si verksemd. Det forventast utstrekt samarbeid på tvers i instituttet og med andre aktørar.</p><p>For å kunne nå våre mål i møte med nye helsetruslar, innan en-helse og med å vektleggje dataanalyse i større og større grad, vil sentrale oppgåver i denne stillinga vere å posisjonere Veterinærinstituttet i strategiske relevante nettverk og fremje gode relasjonar til oppdragsgivar og finansieringspartar. I rolla får du moglegheit for omfattande samarbeid med både offentlege og private aktørar i fagfelt som er sentrale og viktige for Noreg.</p><p>Du blir ein viktig del av toppleiinga og det forventast aktiv deltaking i utviklinga av heile instituttet sine leveransar av kunnskap og beredskapsevne. Vi treng ein leiar som er synleg og tydeleg, både internt og eksternt, og som er ein pådrivar for å skaffe eksterne oppdrag, forskings- og innovasjonsmiddel.</p><p>Veterinærinstituttet vidareutviklar sin organisasjon i tråd med ny strategi, dette kan medføre justeringar i avdelinga sine ansvarsområde og oppgåver.</p><br /><h2>Kvalifikasjonar</h2><p><strong>Vår nye avdelingsdirektør må ha: </strong></p><ul><li>veterinærutdanning og forskingskompetanse tilsvarande doktorgrad</li><li>relevant leiarerfaring, også innan forskingsleiing</li><li>kunne bli tryggleiksklarert på nivå hemmeleg</li><li>god skriftleg og munnleg framstillingsevne på eit skandinavisk språk og på engelsk</li></ul><p> </p> <p><strong>I tillegg ønskjer vi kvalifikasjonar som:</strong></p><ul><li>erfaring med arbeid innan beredskap, diagnostikk, overvaking eller risikovurderingar frå relevant fagområde</li><li>erfaring frå offentleg forvaltning</li><li>erfaring frå næring og industri, eller frå samarbeid mellom offentleg og privat sektor</li><li>relevant fagleg nettverk, nasjonalt og internasjonalt</li></ul><br /><h2>Personlege eigenskapar </h2><p>Vår avdelingsdirektør må:</p><ul><li>vere strategisk og visjonær</li><li>ha gode samarbeidsevner</li><li>ha gode kommunikasjonsevner</li><li>vere trygg og tydeleg i leiarrolla, med evne til å motivere, inspirere og prioritere</li><li>vere strukturert, fleksibel og løysingsorientert</li></ul><p>Du må kunne identifisere deg med verdiane til Veterinærinstituttet: Framtidsretta, fagleg ambisiøs og samspelande. I tillegg til fagleg kompetanse og eigenskapar, vil motivasjonen din for stillinga og arbeidet bli vektlagd. Du vert oppmoda til å gje ei kort skildring av motivasjonen din for stillinga i søknaden. </p><br /><h2>Vi tilbyr</h2><ul><li>ei viktig rolle med stor grad av sjølvstende og moglegheit for å påverke</li><li>eit fagsterkt kompetansemiljø som gir moglegheiter for eiga læring og utvikling</li><li>ein variert og allsidig arbeidskvardag</li><li>eit miljø prega av utvikling og fornying, høgt kompetansenivå og mangfald</li><li>delvis heimekontor</li></ul><p>Du vert medlem av Statens Pensjonskasse, med gode pensjons- og forsikringsordningar, og med moglegheit for å søke om boliglån med gunstige vilkår. Du vert trekt 2 % av løna for dette innskotet. Stillinga blir løna etter Statens lønsregulativ, og du blir tilsett som avdelingsdirektør i stillingskode 1060. Lønsplasseringa avheng av kvalifikasjonane dine. </p><br /><h2>Korleis søke</h2><p>Om du finn ovanståande interessant, ser vi fram til å motta søknaden din. CV, vitnemål, attestar og andre relevante dokument skal lastast opp i vår elektroniske portal hos Jobbnorge.</p><p>Når du søkjer på stillinga, ber vi deg hente utdanningsresultata dine frå Vitnemålsportalen.no. Om resultata ikkje er tilgjengelege der, ber vi deg laste opp kopi av vitnemåla eller karakterutskriftene dine. All dokumentasjon må vere på norsk, eit anna skandinavisk språk eller engelsk.</p><p>Veterinærinstituttet er ei statleg verksemd, og i tråd med offentleglova blir alle søkarar sette på ei offentleg søkarliste etter søknadsfristen. Søknad om unntak frå denne lista kan bli gitt i særskilde tilfelle. Dersom søknaden om unntak ikkje blir teken til følge, vil du bli kontakta. Då må du vurdere om du ønsker å oppretthalde søknaden eller trekke han.</p><br /><h2>Veterinærinstituttet verdset mangfald</h2><p>Våre medarbeidarar har ulik bakgrunn når det gjeld nasjonalitet, utdanning, arbeidserfaring og livserfaring – noko vi ser på som ei styrke. Vi trur at ulike perspektiv bidreg til betre løysingar og eit meir inkluderande arbeidsmiljø.</p><p>Vi følger statlege retningslinjer for inkluderande rekruttering. Kvalifiserte søkarar med funksjonsnedsetting, hol i CV-en eller har innvandrarbakgrunn vil bli inviterte til intervju dersom vilkåra er oppfylte. Derfor oppmodar vi søkarar til å krysse av dersom dei tilhøyrer desse gruppene.</p><br />