Universitetet i Stavanger

Stavanger

<h2>Om stillinga</h2><p>Universitetet i Stavanger har ledig stilling som stipendiat i språkvitskap ved Fakultet for utdanningsvitskap og humaniora, Institutt for kultur- og språkvitskap. Stillinga er ledig frå 01.09.2025.</p><p>Dette er ei utdanningsstilling som i hovudsak skal gi lovande forskarar høve til fagleg utvikling gjennom ei forskarutdanning. Den som blir tilsett vil bli tatt opp på ph.d.-programmet i utdanningsvitskap og humaniora. Programmet omfattar relevante kurs i eit omfang som svarer til omkring eit halvt års studium, ei avhandling basert på sjølvstendig forsking, deltaking i nasjonale og internasjonale forskarmiljø, relevant fagleg formidling, prøveforelesing og disputas. Les meir om forskarutdanninga ved UiS <a href="https://www.uis.no/nb/forskning/phd-utdanning-ved-uis" rel="nofollow">på nettsidene våre.</a></p> <p>Stipendiaten vert tilsett for ein periode på tre år med rein forskarutdanning.</p><p>Stillinga er eksternt finansiert med middel frå Noregs forskingsråd, prosjekt nummer 354301.</p><br /><h2>Forskingstema</h2><p>Den som vert tilsett vil vera knytt til forskingsprosjektet North American Norwegian Tonal Accents in Contact (NANTiC) og forskargruppa Fleirspråkleg utvikling og endring i nyare tid (FLUENT). </p><p>Prosjektet North American Norwegian Tonal Accents in Contact handlar om prosodien, dvs. den suprasegmentale fonologien, og tilhøvet mellom fonologi og morfologi i norsk som arvespråk i USA. Eit arvespråk er eit språk som er tileigna i heimen og/eller lokalmiljøet, men som ikkje er majoritetsspråket i det større, nasjonale språksamfunnet. Prosjektet undersøkjer tonelag hjå den amerikanske diasporaen av norsktalarar som har vore i kontakt med engelsk i over hundre år. Difor har prosjektet to hovudmålsetjingar. Den eine er å utforska konsekvensane engelsk-norsk språkkontakt har hatt for nordamerikanorsk tonelag og tilknytte språkstrukturar. Den andre er å utvida forsking på tilhøvet mellom morfologiske prosessar og fonologi, særleg i arvespråk og språka som dei er i kontakt med.  </p><p>Ph.d.-prosjektet må vera innanfor fonologi, morfologi eller morfofonologi, og dessutan knyta seg til ei av eller båe hovudmålsetjingane. Søkjarar må leggja fram eit prosjekt og levera ei prosjektskisse. </p><p>Utan at dette skal oppfattast avgrensande, kan fylgjande tema og problemstillingar vera relevante:</p><ul><li>Sosialt betinga variasjon i ordtrykk eller intonasjon i norsk-engelsk kontakt i USA eller hjå fleirspråklege i Noreg </li><li>Tileigning, produksjon og/eller attkjenning av tonelag eller andre fenomen knytte til ordtrykk som er relevante for norsk hjå fleirspråklege </li><li>Tverrspråkleg påverknad (CLI) av ordtrykk eller intonasjon på morfologiske eller morfosyntaktiske mønster</li><li>CLI med regelrett og uregelrett morfologi (t.d. vokal- og konsonantalternasjonar, infiksering, osb.) hjå fleirspråklege i Noreg</li></ul><br /><h2>Prosjektskisse</h2><p>Som søkjar må du levera ei førebels prosjektskisse for eit doktorgradsprosjekt innanfor fagområdet, der det vert gjort greie for problemstilling, relevans, teoretisk og metodisk tilnærming. Den førebelse prosjektskissa vil inngå i kompetansevurderinga. I laupet av dei tre første månadene av tilsettingsperioden vil prosjektskissa og framdriftsplan bli utvikla vidare i samarbeid med rettleiarane og utforma til den endelege planen for ph.d.-prosjektet. Mal for prosjektskisse finn du <a href="https://www.uis.no/sites/default/files/2020-11/Prosjektbeskrivelse_mal.pdf" rel="nofollow">her.</a></p><br /><h2>Kvalifikasjonskrav</h2><p>Vi søker deg som har ein sterk fagleg bakgrunn med mastergrad innanfor teoretisk/ålmenn språkvitskap, nordisk språkvitskap, engelsk språkvitskap eller liknande, eller har tilsvarande utdanning som gir grunnlag for å gjennomføra ei forskarutdanning, fortrinnsvis av nyare dato.<br /><br />Dersom karakteren din på masteroppgåva og vekta gjennomsnittskarakter på masterstudiet begge kvar for seg svarer til B eller betre, er du den me søkjer etter. Avsluttar du utdanninga di våren 2025, er du òg velkomen til å søkja.</p><p>Dersom du har ei utdanning frå ein institusjon med annan karakterskala enn A-F, og/eller med andre typar studiepoeng enn sp/ECT, må du leggja ved ein stadfesta konverteringsskala som viser korleis karakterane kan samanliknast med den norske A-F skalaen og eit Diploma Supplement eller liknande som forklarer omfanget av emna/faga som inngår i utdanninga <a href="https://www.uis.no/nb/omregning-av-karaktersystem" rel="nofollow">Du kan bruka desse konverteringsskalaene til å berekna poenga dine for oppta</a></p> <p>Vidare vert det lagt vekt på at du:</p><ul><li>har gode ferdigheiter i eit skandinavisk språk (norsk, svensk eller dansk), både skriftleg og munnleg</li><li>tidlegare erfaring med forsking på språk, inkludert arvespråk</li><li>er motivert, og har potensial for forsking innanfor fagfeltet</li><li>har faglege og personlege føresetnader for å gjennomføra doktorgradsutdanninga innan tilsettingsperioden</li><li>kan arbeida sjølvstendig og i eit fellesskap, vera nytenkande og kreativ</li><li>er strukturert og har stor arbeidskapasitet</li><li>har gode ferdigheiter i engelsk, både skriftleg og munnleg.</li></ul><br /><h2>Krav til kompetanse i engelsk </h2><p>Gode evner i engelsk er naudsynte for å delta i doktorgradsprogrammet. Internasjonale søkjarar må dokumentera at dei har gjennomført ein av følgjande testar med oppgitt resultat eller betre:</p><ul><li>TOEFL – Test of English as a Foreign Language, Internet-Based Test (IBT). Minimum resultat: 90</li><li>IELTS – International English Language Testing Service. Minimum resultat: 6.5</li><li>Certificate in Advanced English (CAE) og Certificate of Proficiency in English (CPE) frå Universitetet i Cambridge</li><li>PTE Academic – Pearson Test of English Academic. Minimum resultat: 62</li></ul><p>Følgjande søkjarar er fritatt frå krava:</p><ul><li>søkjarar med eit års fullført universitetsstudium i Australia, Canada, Irland, New Zealand, Storbritannia, USA</li><li>søkjarar med International Baccalaureate (IB) diplom</li><li>søkjarar med fullført bachelor- og/eller mastergrad med engelsk som undervisningsspråk i et EU-/EØS-land</li></ul><br /><h2>Vi tilbyr</h2><ul><li>forskarutdanning i varierte arbeidsoppgåver i ein stor organisasjon med eit viktig samfunnsoppdrag</li><li>eit ambisiøst arbeidsfellesskap og eit inkluderande arbeidsmiljø</li><li>lønn etter Statens lønnsregulativ l.pl 17.515, kode 1017, kr 575.400 bto per år med lønnsutvikling etter ansiennitet i stillinga</li><li>medlemskap i <a href="http://www.spk.no" rel="nofollow">Statens pensjonskasse</a> sikrar gode pensjons- og forsikringsordningar</li><li>meir om tilsettgode og fordelar på våre nettsider</li></ul><br /><h2>Mangfald</h2><p>Mangfald er ein ressurs i arbeids- og læringsmiljøet ved UiS. Når vi har ulike bakgrunnar og erfaringar, kan vi sjå utfordringar frå fleire vinklar og finne betre løysingar.  </p><p>På UiS er vi opptatt av å vise respekt for kvarandre med dei ulikskapane vi har, og vi legg til rette for tilsette med nedsett funksjonsevne. Vi tek omsyn til behova dine og situasjonen din i ulike livsfasar. </p><p>Om du synest stillinga er interessant, oppmodar vi deg til å søkje, uavhengig av kjønn, funksjonsevne, kulturell bakgrunn eller om du har vore utanfor arbeidslivet ei tid.   </p> <p>Er det kvalifiserte søkjarar med funksjonsnedsetjing, hol i CV-en eller innvandrarbakgrunn, inviterer me minst inn éin søkjar i kvar av desse gruppene til intervju. Kjenne du deg igjen i ein av desse kategoriane, kan du kryssa av i jobbsøkjarportalen vår.</p><p>Les meir om krava for å bli vurdert som søkjar i desse gruppene <a href="https://www.uis.no/nb/om-uis/jobb-ved-uis-sokeprosessen#/" rel="nofollow">her</a>.</p><br /><h2>Kontaktinformasjon</h2><p>Spørsmål om stillinga og forskingsprosjektet kan rettast til David A. Natvig, tlf: 51831573, e-post: <a href="mailto:david.a.natvig&#64;uis.no" rel="nofollow">david.a.natvig&#64;uis.no</a>.</p><p>Opplysningar om tilsetjingsprosessen kan rettast til HR-rådgivar Annette Lothe Molnes, e-post: annette.l.molnes<a href="mailto:............&#64;uis.no" rel="nofollow">&#64;uis.no</a>.</p><br /><h2>Søknad</h2><p>Søk stillinga elektronisk via &#34;Søk stillinga&#34; på denne sida. Her ber me deg om å registrera minimum søknadsbrev, relevant utdanning, arbeidserfaring og språkevner. I søknadsbrevet må du få fram forskingsinteressane og motivasjonen din for stillinga. </p><p>Følgjande blir lasta opp som vedlegg til søknaden:</p><ul><li>prosjektskisse, <a href="https://www.uis.no/sites/default/files/2020-11/Prosjektbeskrivelse_mal.pdf" rel="nofollow">mal tilgjengeleg på nettsidene våre</a> </li><li>CV med fullstendig oversikt over utdanning og erfaring</li><li>vitnemål og attestar</li><li>dokumentasjon på annan aktivitet som du vurderer som relevant</li><li>Diploma Supplement eller liknande og konverteringsskala dersom dette er påkravd</li><li>publikasjonar eller anna relevant forskingsarbeid</li></ul><p>Søknaden vil bli vurdert ut frå informasjonen som er tilgjengeleg i Jobbnorge ved søknadsfristen. Sørg derfor for at søknaden tydeleg viser korleis evnene og erfaringane dine oppfyller kriteria som det er skrive om over og at du har lagt ved naudsynt dokumentasjon.</p><p>Dokumentasjonen må finnast på eit skandinavisk språk eller engelsk. Dersom vedlegga overskrid 30 MB til saman, må dei komprimerast før opplasting.</p><p>Me gjer merksame på at opplysningar om søkjar kan bli offentleggjorde sjølv om søkjar har bedd om ikkje å bli oppført på offentleg søkjarliste, jf offentleglova § 25. Dersom oppfordringa di ikkje blir tatt til følge, vil du bli varsla om dette.</p><p>UiS vurderer berre søknadar og vedlegg registrert i Jobbnorge.</p><br /><h2>Generell informasjon</h2><p>Tilsetjinga blir gjennomført etter prinsippa i statstilsettelova, og lovverk som regulerer eksport av kunnskap, teknologi og tenester. </p><p>Tilsetjing som stipendiat er regulert i Forskrift om tilsetjingsvilkår for stillingar som postdoktor, stipendiat, vitskapleg assistent dessutan spesialistkandidat.</p><p>Kompetansen din for stillinga, ut frå utdanning og prosjektskisse registrert i Jobbnorge, vil bli vurdert av ein intern komité. På bakgrunn av fråsegna frå komiteen vil aktuelle søkjarar bli inviterte til intervju. Det vil òg bli innhenta referansar for aktuelle kandidatar. Meir om tilsetjingsprosessen på nettsidene våre.</p> <p>Studiet vert i hovudsak gjennomført ved Universitetet i Stavanger, med unntak av eit avtalt opphald i utlandet ved eit anerkjent, relevant forskingsmiljø.</p><p>Det er ein føresetnad at den som vert tilsett buset seg slik at vedkommande kan vera til stades ved, og tilgjengeleg for fagmiljøet på arbeidsplassen i ordinær arbeidstid. </p><p>Stillinga er kunngjort på både norsk og engelsk. Ved meiningsforskjell mellom tekstane skal den norske teksten leggjast til grunn.</p><br />

Stipendiat i språkvitenskap