Universitetet I Bergen

Bergen

<h2>Kunnskap som formar samfunnet</h2><p>Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.</p><p>Vil du vere med å forme framtida?</p>. Video: https://youtu.be/vtJLmcUJ3-w<br /><h2>Om stillinga:</h2><p>Ved Universitetsbiblioteket (UB) er det ledig eit vikariat i 100% stilling som spesialbibliotekar (kode 1515). Stillinga er for tida knytt til Seksjon for tilvekst og system, faggruppe for system. Stillinga er ledig frå 26.05.2025-31.12.2025, tiltreding etter nærare avtale.</p><p>UB er eit offentleg forskingsbibliotek. Våre samlingar spenner frå nye publikasjonar i digitale tidsskrift og faglitterære boksamlingar til eit rikhaldig spesialsamlingsmateriale. Seksjon for tilvekst og system er ein viktig del av arbeidet med å sikre universitetet sine forskarar og studentar effektiv tilgang til materiale av høg kvalitet.</p><p>Seksjonen har hovudansvar for drift og tilpassing av biblioteksystem, og det heilskaplege samlingsarbeidet knytt til katalog og metadataregistrering gjennom biblioteket si katalogteneste, Medieverkstedet. Som medarbeidar i seksjonen vil du være del av ulike faglege team, i eit inkluderande, aktivt og spanande arbeidsfellesskap.</p><br /><h2>Arbeidsoppgåver:</h2><ul><li>Deltaking i det heilskaplege samlingsarbeidet knytt til katalogisering og metadataregistrering</li><li>Særleg ansvar for det daglege katalogiseringsarbeidet (av både fysisk og digitalt materiale) ved seksjonen</li><li>Deltaking i arbeidet med drift og tilpassing av biblioteksystem</li><li>Deltaking i løpande driftsoppgåver tilknytt seksjonens arbeid</li><li>Deltaking i verksemda elles, til dømes publikumstenester</li><li>Brukaropplæring og brukarrettleiing</li></ul><br /><h2>Kvalifikasjonar og eigenskapar:</h2><p>Kvalifikasjonar</p><ul><li>Søkjarar må ha minst bachelorgrad eller tilsvarande innanfor bibliotek- og informasjonsstudiar eller spesialutdanning tilpassa dei oppgåvene stillinga skal dekke.</li><li>Manglande formell utdanning kan i nokre tilfelle kompenserast med relevant praksis kombinert med relevant etter- og vidareutdanning</li><li>Gode kunnskapar innan katalog- og metadataproduksjon er naudsynt.</li><li>Kjennskap til biblioteksystema Universitetsbiblioteket bruker (for tiden Alma, Oria og Leganto) er ein fordel</li><li>Erfaring frå arbeid i UH-bibliotek er ein fordel</li><li>Gode språkkunnskapar både skriftleg og munnleg i norsk og engelsk</li></ul><p>Vi søker deg som</p><ul><li>Ønskjer å bidra til digitale, effektive arbeidsprosessar</li><li>Er kreativ og sjølvstendig</li><li>Har brukaren i fokus</li><li>Tar initiativ</li><li>Kan arbeide målretta og effektivt</li><li>Er serviceorientert og fleksibel</li><li>Har gode samarbeids- og formidlingsevner</li></ul><p>Ved vurdering av søkjarane vil det bli lagt stor vekt på personlege eigenskapar som er naudsynte for stillinga.</p><br /><h2>Vi kan tilby:</h2><ul><li>Eit godt og fagleg utfordrande arbeidsmiljø med engasjerte kollegaer</li><li>Mogelegheit til å søke om avtale om heimearbeid</li><li>Gode moglegheiter for fagleg utvikling</li><li>Spennande og motiverande kontakt med fagmiljø ved UiB</li><li>Løn som spesialbibliotekar (kode 1515) kr. 565 900 til kr. 590 000 i det statlege lønsregulativet etter kvalifikasjonar. For særleg kvalifiserte søkjarar kan høgare løn vurderast.</li><li>Fleksibel arbeidstid</li><li>Medlemskap i Statens pensjonskasse</li><li>Gode <a href="https://www.uib.no/foransatte/17399/velferd" rel="nofollow">velferdsordningar</a></li></ul><br /><h2>Generell informasjon:</h2><p>Utfyllande opplysningar om stillinga kan ein få ved å venda seg til seksjonsleiar Paul Simon Svanberg, tlf: 55 58 25 07 (kontor), 47 75 37 90 (mobil), e-post: <a href="mailto:paul.simon.svanberg&#64;uib.no" rel="nofollow">paul.simon.svanberg&#64;uib.no</a>.</p><p>Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.</p> <p>Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.</p><p>Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.Nærare om tilsettingsprosessen <a href="https://www.uib.no/hr/74251/ansettelsesprosessen" rel="nofollow">her</a></p><br />

Spesialbibliotekar (vikariat)