Universitetet I Bergen

Bergen

<h2>Kunnskap som formar samfunnet</h2><p>Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.</p><p>Vil du vere med å forme framtida?</p>. Video: https://youtu.be/vtJLmcUJ3-w<br /><h2>Rådgjevar og nettverkskoordinator</h2><p>Ved Institutt for geovitskap er det ledig ei fast stilling som rådgjevar og nettverkskoordinator for det nasjonale konsortiet Centre for Integrated Earth System Education (iEarth).</p><br /><h2>Ansvarsområde og arbeidsoppgåver:</h2><p>Stillinga har arbeidsplass ved Institutt for geovitskap (GEO) og vil vere del av studieadministrasjonen ved GEO. I det daglege vil den som vert tilsett ha som hovudansvar å følgje opp og drive det nasjonale nettverket som utgjer iEarth, eit senter for framifrå undervisning (SFU). SFU-finansieringa går ut i 2026 og etter det vil senteret verte drifta som eit nasjonalt nettverk med same målsetnad som i SFU-en. Senteret skal drive forsking på og utvikling av utdanning innanfor geovitskap i tette nasjonale og internasjonale relasjonar. </p><p>Nettverkskoordinatoren har den administrative leiarfunksjonen i nettverket, med ansvar for overordna drift, drift av websider og sosiale media, sakshandsaming av prosjektsøknader, oppfølging av prosjekter, koordinering og rapportering til nettverket, kontakt med HK-dir og deira SFU-nettverk, dokumentasjonsarbeid, og møtekoordinering. Stillinga arbeider tett med senterleiaren og skal vere ein aktiv formidlar som også inngår i nettverket si styringsgruppe. Nettverkskoordinatoren har eit særskilt ansvar for oppfølging og informasjonsflyt innan konsortiet. Stillinga skal også rådgje studieadministrasjonen ved instituttet og samarbeide med dei i formidlings- og rekrutteringsarbeid. </p><p>Det må også påreknast andre arbeidsoppgåver, som ein del av studieadministrasjonen ved GEO, til dømes arbeid med etter- og vidareutdanning (EVU). Stillinga kan på sikt verte omdisponert til andre tilsvarande oppgåver ved GEO og/eller andre stader ved Fakultet for naturvitskap og teknologi.</p><p>Døme på sentrale arbeidsoppgåver er: </p><ul><li>Administrasjon av iEarth lokalt.</li><li>Koordinasjon av det nasjonale nettverket.</li><li>Studentkontakt med studentrepresentantar nasjonalt og lokalt.</li><li>Møtekoordinering.</li><li>Sikre overordna drift, inkludert drift av websider samt utvikling og framdrift av nettverket sine aktivitetar i samsvar med prosjektplanen. </li><li>Organisering av konferansar og møter. </li><li>Innkjøpsansvar for iEarth-nettverket.</li><li>Vera ein brubyggar mellom vitskapleg tilsette, studentar og administrasjonen gjennom lokale undervisningsmøter.</li><li>Oppfølging av forskingsprosjektet innan utdanningsfeltet i tett samarbeid med forskingsrådgjevar ved Instituttet for geovitskap. </li><li>Samarbeide med studieadministrasjonen ved Institutt for geovitskap om utvikling av studieprogram, EVU-tilbod og i formidlings- og rekrutteringsarbeid.</li></ul><p>Næraste overordna er fagleg ansvarleg for iEarth, og nettverkskoordinator rapporterer til denne. Stillinga inngår i den administrative staben ved Institutt for geovitskap og har administrasjonssjefen som personalleiar. </p><br /><h2>Kvalifikasjonar og eigenskapar:</h2><ul><li>Søkjar må ha relevant utdanning på masternivå. Lang, relevant praksis kombinert med relevant etter- og vidareutdanning kan i særskilte høve kompensere for manglande formell utdanning. </li><li>Relevant praksis og dokumentert erfaring frå prosjektkoordinering og utdanningsutvikling er eit krav.</li><li>Søkjar må ha god kjennskap til Office 365.</li><li>Søkjar må ha erfaring med formidlingsarbeid, og dokumentert erfaring med å formidle munnleg og skriftleg på båe målformer og engelsk. Gode skriftlege ferdigheiter på både engelsk og norsk er eit krav.</li><li>Erfaring med drift av websider og sosiale media er ein føremon.</li></ul><p><strong>Personlege eigenskapar: </strong> </p><ul><li>evne til å ha oversikt, vere utviklingsorientert og raskt tileigne seg ny kunnskap. </li><li>sjølvstendig, initiativrik og kreativ. </li><li>systematisk og løysingsorientert med god gjennomføringsevne. </li><li>effektiv, fleksibel og serviceinnstilt.  </li><li>gode kommunikasjons- og samarbeidsevner. </li></ul><p>Ved vurdering av søkjarane vil vi leggje stor vekt på dei personlege eigenskapane som er naudsynte for stillinga.</p><br /><h2>Vi kan tilby:</h2><ul><li>eit godt og fagleg utfordrande arbeidsmiljø.  </li><li>stilling som rådgjevar (kode 1434) i lønnsspenn kr 584 500 – 650 000. For særskilt kvalifiserte søkjarar kan høgare løn vurderast.  </li><li>medlemsskap i Statens pensjonskasse.   </li><li>gode <a href="https://www.uib.no/foransatte/17399/velferd" rel="nofollow">velferdsordningar</a></li></ul><br /><h2>Generell informasjon:</h2><p>Utfyllande opplysningar om stillinga kan ein få ved å vende seg til professor og senterleiar Jostein Bakke, e-post: <a href="mailto:jostein.bakke&#64;uib.no" rel="nofollow">jostein.bakke&#64;uib.no</a>, telefon 55 58 35 03 eller administrasjonssjef Andrea Grimnes, e-post: <a href="mailto:andrea.grimnes&#64;uib.no" rel="nofollow">andrea.grimnes&#64;uib.no</a>, telefon 55 58 33 00.</p><p>For HR-relaterte spørsmål kan du kontakte HR-rådgjevar Mathilde Høgalmen, e-post: <a href="mailto:mathilde.hogalmen&#64;uib.no" rel="nofollow">mathilde.hogalmen&#64;uib.no</a>. </p><p>Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.</p> <p>Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.</p><p>Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.</p><p>Nærare om tilsettingsprosessen <a href="https://www.uib.no/hr/74251/ansettelsesprosessen" rel="nofollow">her</a>.</p><br />

Nettverkskoordinator ved Center for Integrated Earth system Education (iEarth)