Ullensvang Kommune

Odda

Torbjørg Krogh Larsen

<div><div>100% prosjektleiar for utvikling av psykisk helseteam for barn og unge Me søkjer etter ein engasjert prosjektleiar for utvikling av eit psykisk helseteam for barn og unge, 0-23 år i Ullensvang kommune.Brenn du for å styrka den psykiske helsa hos barn og unge? Vil du være med på å forme eit framtidsretta og tverrfagleg psykisk helseteam som gjer ein reell forskjell for barn og unge i Ullensvang kommune? Då kan dette vera stillinga for deg! Om stillingaStillinga ligg under oppvekst og utdanning, med organisatorisk plassering på helsestasjonen under verksemdsleiar for helsestasjonen. Ullensvang kommune vil styrka satsinga på barn og unge. Med bakgrunn i Nasjonal rettleiar for psykisk helse for barn og unge, har kommunen motteke tilskot til eit spennande forprosjekt. Me søkjer ein erfaren prosjektleiar som kan utvikle eit utøvande psykisk helseteam for barn, unge og deira familiar. Dette teamet skal vera eit lågterskeltilbod og tilby behandling og oppfølging til barn og unge med milde til moderate psykiske plager, begyndende rusproblem og reaksjonar på belastande livshendingar. Tilbodet skal ha eit familieperspektiv og tilby foreldrestøtte og rettleiing til foreldre.Prosjektleiarperioden i forprosjektet er for eit år, men det er moglegheit for forlenging og vidare tilsetjing for oppretting av psykisk helseteam for barn og unge. Ullensvang kommune legg vekt på å løyse utfordringar hjå barn og unge der dei faktisk oppstår, utan å måtte gå gjennom byråkratiske prosesser og silo-strukturer. Dette gjev oss moglegheit til å handle raskt og effektivt, og styrkar vår evne til å tilby rett hjelp på rett plass og i rett tid.  Di rolle Som prosjektleiar vil du ha ei sentral rolle i å utvikle og etablere teamet. Du vil samarbeide tett med vår nytilsette kommunepsykolog og ei prosjektgruppe for å sikre eit heilskapleg tilbod som møter barn og unge sine behov på rett plass og til rett tid. Vi jobbar etter den tverrfaglege modellen «Betre tverrfagleg innsats» (BTI) og ønskjer å byggje videre på denne strukturen. Arbeidsoppgåver:<ul><li>Utarbeide prosjektplan og milepælsplan i tråd med Prosjektlederprosessen (PLP-metodikken) </li><li>Etablere prosjektgruppe frå relevante samarbeidspartnarar</li><li>Evaluere og rapportere på framdrift i forprosjektet</li><li>Tverrfagleg samarbeid</li></ul></div></div><div> </div><div><div>Eventuelt utøvande arbeid Kvalifikasjonar:<ul><li>Minimum 3-årig relevant utdanning på universitets- eller høgskolenivå innanfor psykologi, helse- og sosialfag eller tilsvarande</li><li>Nødvendig med prosjektleiarkompetanse og/eller prosjekterfaring</li></ul> Ønska kvalifikasjonar og eigenskapar:<ul><li>Høg grad av sjølvstendigheit</li><li>Personleg eigeskapar vert vektlagd</li><li>Erfaring og kunnskap om tverrfagleg arbeid med barn og unge</li><li>Utdanning og erfaring med barn og unge</li><li>Kunnskap og erfaring frå helsestasjons- og skulehelsetenesta</li><li>God forståing for tidleg innsats, førebyggjande og helsefremjande arbeid</li><li>Kompetanse eller erfaring med rettleiing</li><li>Evne til å samarbeide og kommunisere med ulike samarbeidspartnarar og målgrupper</li><li>Strukturert, fleksibel og løysingsorientert</li><li>Interesse for utviklings- og endringsarbeid</li><li>Norsk kunnskapar B2</li><li>Førarkort klasse B og tilgang til eigen bil</li></ul> Me tilbyr:<ul><li>Løn etter lov- og avtaleverk</li><li>Varierte arbeidsoppgåver</li><li>Medlemskap i pensjonsordning - KLP</li><li>Ein spanande og utfordrande stilling i eit godt arbeidsmiljø med dyktige og omsorgsfulle kollega</li><li>Gode moglegheiter for kompetanseheving med støtte frå kommunen</li><li>Ullensvang kommune har inkluderande arbeidsliv (IA), fleksibel arbeidstid og gode permisjons- og pensjonsvilkår.</li><li>Gode velferdsordningar</li><li>Løn etter avtale</li></ul> Me ynskjer eit arbeidsmiljø prega av mangfald, og at våre tilsette skal spegla folkesetnaden ellers. Me oppfordrar alle som er kvalifisert til å søkja jobb hos oss uansett alder, funksjonsevne, kjønn eller minoritetsbakgrunn. Me legg vekt på å leggje til rette arbeidsforholda dersom du har behov for det.Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader. Me gjer merksam på at i fylgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort. Aktuelle søkjarar vert kalla inn til intervju. Sletting av utdanningsgjeld/studielån:Ullensvang kommune er omfatta av ordninga.Alle som bur i ein av dei 189 kommunane på SSBs sentralitetsnivå 5 og 6 kan få sletta 25 000 kroner av utdanningsgjelda i året frå januar 2026. Du må vera busett i ein av desse kommunane, og vera yrkesaktiv, i minst eitt år. Du vil få sletta utdanningsgjeld kvart år, fram til gjelda er nedbetalt. Tiltaket gjeld all typar utdanningsgjeld, uavhengig av når ho er teken opp. Ein person som bur i ein av desse kommunane frå 1. januar 2025, eller flyttar dit når som helst etter denne datoen, vil etter eitt års butid vera kvalifisert til å få sletta gjeld. Til orientering om Offentleglova:Utgangspunktet er at alle søkjarnamn er offentlege etter Offentleglova. Det betyr at ditt namn vert gjort offentleg på kommunen si postliste når du har søkt ledig stilling. For å gjera unntak må kommunen ha heimel i lova og vurdera konkret i kvar sak kva som er grunnen til unntaket. I følgje offentleglova § 25 vert det stilt følgjande krav for å få unntak: &#34;Det kan likevel gjerast unntak frå innsyn for opplysningar om ein søkjar dersom vedkommande sjølv ber om det. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. I utlysinga skal det gjerast oppmerksam på at opplysningar om søkjaren kan bli gjort offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje blir teke til følgje, skal søkjaren varslast om dette. Arbeidsavtalar i Ullensvang kommune: Dei som vert tilsett i Ullensvang kommune får tilsendt arbeidsavtale til digital signering. Du får tilsendt sms og e-post med link til digital arbeidsavtale. Viss du har fått munnleg melding om at du er tilsett vil du få tilsendt arbeidsavtale. Viss du ikkje får e–post i innboksen din, sjekk uønska e-post/søppelpost, eller fylge følgjande link: https://signering.posten.no/</div></div> Link til søknadsskjema: <a href="https://ullensvang.easycruit.com/vacancy/application/3506589/194005?channel&#61;NavRest&amp;iso&#61;nn" rel="nofollow">Søk her</a>

100% prosjektleiar for utvikling av psykisk helseteam for barn og unge ved Ullensvang helsestasjon