Tysnes Kommune Sentraladministrasjon

Uggdal

Helga N. Boland

Einingsleiar Tysnes omsorgssenter

Margrete Klemmetsby

Einingsleiar open omsorg

<h2>Om stillinga</h2><p>Vil du bruka sommaren til å skaffa deg verdifull praksis? Då kan ein sommarjobb i Tysnes kommune vere noko for deg! </p><p>Me treng ferievikarar for sjukepleiarar, vernepleiarar, fagarbeidarar, assistentar med fleire, innan pleie og omsorg. Me kan tilby ein spanande og gjevande sommarjobb med menneske i alle aldersgrupper, og med ulike hjelpebehov innanfor fylgjande område: heimesjukepleie, heimehjelpstenesta, Tysnes omsorgssenter, innan pleie, reinhald og kjøkken, og i bufellesskap for utviklingshemma (vaksne brukarar). </p><p>Tilsetjing blir gjort fortløpande, så me oppmodar deg om å søkja snarast. Du må vere fylt 18 år, og kunne arbeide minst 4-6 samanhengande veker, i perioden veke 25 - 33, fortrinnsvis vekene 27 - 30. Som ferievikar hos oss, styrkjer du også moglegheitane dine til å jobbe som vikar elles i året, og me ber om at du seier noko om interessa di for dette i søknaden. Attestar og vitnemål kan leggast ved søknad eller leggast fram på intervju.</p><br /><h2>Kva stillinga går ut på</h2><p>Ferievikarar utfører arbeidsoppgåver innan dei ulike områda, i samsvar med kompetanse og erfaring. Det vil bli gitt naudsynt introduksjon og opplæring i verksemda. Relevante oppgåver:</p><ul><li>yte helse- og omsorgstenester </li><li>vareta brukarane sine fysiske, psykiske og sosiale behov etter individuelle planar </li><li>dokumentasjon i fagsystem </li><li>turnusarbeid med arbeid på helg, helst kvar 2.helg</li></ul><p>Me har behov for ferievikarar som kan tenke seg å arbeide både dag, kveld og natt.</p><br /><h2>Kva kompetanse som er viktig</h2><p>Me søkjer etter ferievikarar med ulik utdanningsnivå og kompetanse: </p><ul><li>Sjukepleiar/vernepleiar </li><li>Helsefagarbeidar / hjelpepleiar / omsorgsarbeidar </li><li>Assistentar </li><li>Kjøkkenpersonale</li></ul><p>Felles for stillingane er at det er ynskjeleg med erfaring frå brukargruppa og at ein har gode norskkunnskaper, både munnleg og skriftleg. Innan heimetenesta er det krav om sertikat kl. B. Dersom du får tilbod om stillinga og takkar ja er det krav om politiattest jf. Helse og omsorgstenestelova § 5-4, samt eigenerklæring tuberkulose og MRSA.</p><br /><h2>Kva me ser etter hos deg</h2><ul><li>Engasjert, trygg, omsorgsfull og har interesse for å arbeide med menneske </li><li>Har evne til å sette seg raskt inn i nye arbeidsoppgåver </li><li>Gode kommunikasjonsevner </li><li>Evne til å ta ansvar, jobbe sjølvstendig i kombinasjon med å vere ein lagspelar </li><li>Personlege eigenskapar vert vektlagt</li></ul><br /><h2>Kvifor skal du jobba hos oss?</h2><p>Hos oss vil du få faglege og utfordrande arbeidsoppgåver i eit godt og inspirerande arbeidsmiljø. Du vil få høve til å auka eigen kompetanse innan ulike fagområder, i eit triveleg og tverrfagleg arbeidsmiljø.</p><p>Når du vert tilsett, får du opplæring tilpassa den aktuelle avdeling du skal arbeide på.</p><p>Stillingsstorleik vil variera, men me vil forsøka å gje ferievikarar så stor stilling som mogleg opp mot 100 %. Lønn etter gjeldande hovudtariffavtale.</p><p>Tysnes kommune har eigen lønsstige for deg som er student innan eit område som er relevant for stillinga. Innan helse gjeld det f.eks. sjukepleie-, vernepleie-, ergoterapi-, eller medisintudentar. Denne er aktuell for deg som kan dokumentere at du har  fullført minst eit år av studiet.</p><p>Me har ei ordning om stipendavtale dersom du etter ferievikariatet ønskjer å fortsette i helgestilling hos oss når du studerer. Les meir om denne avtalen her: <a href="https://www.tysnes.kommune.no/stipendavtale.598513.nn.html" rel="nofollow">Stipendavtale - Tysnes kommune</a></p><br /><h2>Mangfaldserklæring</h2><p>Tysnes kommune ønskjer å spegla mangfaldet i befolkninga i rekrutteringa vår. Me oppmodar alle som er kvalifiserte til å søkja ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Me ønskjer å legga til rette for inkluderande rekruttering.</p><br />

Ferievikarar pleie og omsorg