Stord Kommune

Marianne Kannelønning

Einingsleiar

Sunnhordland interkommunale barnevernteneste, Bømlo, Fitjar og Stord (SIB) -- er organisert med Stord som vertskommune og tenestestad. Tenesta har kontorstad på Leirvik, Stord. Stord kommune er formell tilsetjingsstad. Tenesta er eit interkommunalt samarbeid etter Kommunelova § 28b, Kommunane sitt totale innbyggjartal er omlag 33.800. Tenesta forvalter alle oppgåver og område innan Lov om barnevernteneste i våre tre kommunar. Sib er lag(team)organisert med tre aldersdelte lag som ansvarlege for melding og undersøkjing. Vidare er lag omsorg ansvarleg for barneverntiltak utanfor heimen og lag familierettleiing har ansvar for styrkingstiltak i familiar.
Det er ledig fast 100% stilling som familierettleiar til vårt tiltakslag.
Her får du 8 dyktige kollegaer, beståande av miljøarbeidarar, miljøterapeut, familierettleiarar og fagansvarleg -- og eit inkluderande, varmt arbeidsmiljø der utvikling og kompetansedeling står høgt.
Arbeids- og ansvarsområde:
<ul><li>
Tiltaksarbeid i tråd med lov om barnevern.
</li><li>
Systematisk endringsarbeid saman med barn, familiar og/- eller fosterforeldre etter tiltaksplan.
</li><li>
Praktisk rettleiing i heimen og i kvardagsliv.
</li><li>
Stabiliserande arbeid i akutte kriser.
</li><li>
Drifte grupper når det er aktuelt.
</li><li>
Setja familiar i stand til å meistra kvardagen på eiga hand.
</li></ul>
Kvalifikasjonskrav:
<ul><li>
Minimum 3-årig helsefagleg- pedagogisk- eller sosialfaglig høgskuleutdanning
</li><li>
Erfaring med systematisk rettleiingsmetodikk (PMTO, COS, PYC, emosjonsfokusert rettleiing e.l.).
</li><li>
Førarkort klasse B er påkravd.
</li><li>
Erfaring frå barnevernsarbeid eller tilsvarande
</li><li>
Ved tilsetjing vil det bli stilt krav om at ein legg fram politiattest av ny dato
</li></ul>
Me ser etter deg som:
<ul><li>
Brenn for å styrkja barn og familiar.
</li><li>
Skapar tillit og gode relasjonar.
</li><li>
Er varm, trygg, anerkjennande -- og samstundes strukturert og målretta.
</li><li>
Har kunnskap om utvikling, tilknyting, traumer og familie- og samspelsdynamikk.
</li><li>
Taklar høgt tempo og emosjonelle belastningar.
</li><li>
Kommuniserer godt, både skriftleg og munnleg.
</li></ul>
Personleg eignaheit blir vektlagt. Arbeid ein ettermiddag/kveld i veka (12-19:30) må påreknast.
Me tilbyr:
<ul><li>
Tett individuell rettleiing og faste fagmøte kvar veke.
</li><li>
Eit sterkt fagmiljø med tett samarbeid kring kvar familie.
</li><li>
Ein meiningsfull arbeidskvardag -- med rom for påverknad, ny læring og fagleg utvikling.
</li><li>
Gode moglegheiter for vidareutdanning og spesialisering.
</li><li>
Eit inkluderande og profesjonelt arbeidsfellesskap der trivsel og utvikling er viktig.
</li><li>
Stord ve og vel med moglegheit for leige av leilegheiter i Røldal, Husøy med båt og utleige av tilhengarar mm.
</li><li>
Løns- og arbeidsvilkår i samsvar med kommunalt avtaleverk
</li><li>
Offentleg tenestepensjon
</li></ul>
Nærare opplysningar om stillinga hos einingsleiar Marianne Kannelønning, epost marianne.kannelonning&#64;stord.kommune.no
Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjar vert varsla dersom ynskje om reservasjon ikkje vert teke til fylgje.

ID 2320 Familierettleiar - Sunnhordland interkommunale barnevernteneste