Sámi Allaskuvla Samisk Høgskole

Kautokeino

<h2>Bargoviidodat virggis</h2>Bargodoaimmaide gullet riektediehtaga oahpahus, dutkan, bagadallan ja fágalaš ovdánahttin buot oahppodásiin dulkaoahpus ja eará oahpuid giella-, duoji- ja servodatdiehtagiid (GDS) goađis. Oahpahusovddasvástádussii gullet erenoamážit fáttát nu go eamiálbmogiid giellavuoigatvuođat Norggas ja riikkaidgaskasaččat, olmmošvuoigatvuođat ja olmmošvuoigatvuođalaš vuođđu dulkaámmáhis. Lassin šaddá oahpahus duopmostuoluid ja riektevuogádaga birra, hálddašanrievtti, juridihkalaš terminologiija ja sámegiella riektegiellan ja eará fágasurggiin GDS goađis. Virggehas galgá aktiivvalaččat bargat dutkan- ja ovdánahttinbargguiguin (DOB). DOBdoaimmat mat čađahuvvojit fágabargi virgeresurssa siskkobealde, galget čuovvut Sámi allaskuvlla ja GDS goađi oahpuid strategiijaid. Bargogeatnegasvuođa oassin sáhttá bargi oažžut ovddasvástádusa eará bargguid ovddas allaskuvlla doaimmaid siskkobealde. Dákkár barggut sáhttet leat ee. fágalaččat lágidit kurssaid ja konferánssaid, fierpmádatdoaimmat, leat mielde ovddideame ásahusa fágastrategalaččat ja barggut maid lagamus hoavda bidjá. Virggi ja goađi bargoviidodat ja ovddasvástádussuorggit sáhttet rievdat ásahusa dárbbuid mielde. <h2>Gelbbolašvuođagáibádusat</h2>Virgái ohcat vuosttažettiin bargi geas lea mastergráda riektediehtagis. Ohcciin geain lea vástideaddji gelbbolašvuohta riektediehtagis sáhttet maid árvvoštallojuvvot virgái. Lea sávahahtti ahte ohccis lea gelbbolašvuohta eamiálbmotrievttis ja/dahje sámerievttis. Viidásit sávvat gelbbolašvuođa hálddašanrievttis, olmmošvuoigatvuođaid ja giellavuoigatvuođaid birra.Son guhte virgáduvvo ferte beroštit dulkomis ja dulkaámmáhis, juridihkalaš gielas ja terminologiijas. Dulkaoahppu fállá oahppoovttadagaid iešguđetge gillii, ja mii sávvat ahte virggehas sáhttá logaldallat sihke sámegillii, dárogillii dahje muhtun eará skandináva gillii, ja eŋgelasgillii. Virggis gáibiduvvo muđui viiddis ovttasbargo- ja geabbilvuođa attáldagat. Dulka- ja eará juridihkaoahput lea fágaidrasttildeaddji oahput, ja attáldat ja beroštupmi fágarasttildeaddji doaimmaide deattuhuvvojit <ul><li>Dokumenterejuvvon oahpahanfágalašgelbbolašvuohta. Jus ohccis váilu oahpahanfágalašgelbbolašvuohta, eaktuduvvo háhkat dán gelbbolašvuođa guovtti jagi sisa virgádeami rájis, Forskrift om ansettelse og opprykk i forsker- og undervisningsstillinger § 3-9. Jus ohccis váilu dakkár gelbbolašvuohta, eaktuduvvo háhkat dán guovtti jagi sisa virgádeami rájis.</li><li>Virggi ja goađi bargoviidodat ja ovddasvástádussuorggit sáhttet rievdat ásahusa dárbbuid mielde.</li></ul>Gelbbolašvuođagáibádusat virgái leat meroštallojuvvon láhkaásahusas Forskrift til universitets- og høyskoleloven (universitets- og høyskoleforskriften).<a href="https://samas.no/se/a/sami-allaskuvla/halidat-go-bargat-sami-allaskuvllas/oahpahus-ja-dutkivirggiid-virgaidanproseassat" rel="nofollow">Dás sáhtát gávdnat eambbo dieđuid fágalaš árvvoštallama ja Sámi allaskuvlla virgáidanproseassa birra. </a><a href="https://samas.no/sites/default/files/2022-01/pedagogalas_gelbbolasvuhtii_loahpalas.pdf" rel="nofollow">Dás sáhtát gávdnat eambbo dieđuid oahpahanfágalašgelbbolašvuođa dokumenterema birra.</a> <h2>Mii fállat</h2>Mii fállát earet eará: <ul><li>Virggi mas ovdánahttinvejolašvuođat, viiddis ja máŋggabealat fágabirrasis</li><li>Máŋggabealat čálgofálaldagaid ja heivehahtti bargoáiggi</li><li>Buori bargobirrasa gos alla gelbbolaš bargit iešguđetge fágasurggiin</li><li>Ealli sámegielbirrasa guovddáš sámi guovllus </li></ul>Sámi allaskuvlla fágabargiid bargoresurssat juhkkojuvvojit oahpahandoaimmaid, dutkan- ja ovdánahttinbargguid ja hálddašanbargguid gaskka, ulbmilin joksat allaskuvlla fágalaš mihtuid ja alla fágalaš kvalitehta.  <h2>Bálká</h2>Virgi bálkáhuvvo Stáda bálkáregulatiivva mielde. Bálká mearriduvvo ohcci oahpu- ja bargohárjáneami vuođul čuovvovaš bálkáplánain:  Allaskuvlalektor virgekoda 1008 Bálkkás gesso 2 % geatnegahtton divat Stáda penšuvdnakássii. Formála lassigelbbolašvuohta sámegielas unnimustá 60 oahppočuoggá bachelordásis, addá 20 000,- lassibálkán vuođđobálkái vuosttašgeardde virgáibidjamis Sámi allaskuvllas.  <h2>Máŋggabealatvuohta ja searvadahttin</h2>Sámi allaskuvla galgá nu bures go vejolaš speadjalastit álbmoga girjáivuođa ja mii ávžžuhit gelbbolaš kandidáhtaid ohcat virgái beroškeahttá sohkabealis, agis, doaibmannávccas dahje kultuvrralaš duogážis. Jus leat gelbbolaš ohccit geat leat doaimmashehttejuvvon, leat guhkit áiggi leamaš eret bargoeallimis, dahje geain lea sisafárrejeaddjiduogáš, de bovdet unnimusat ovtta ohcci guđege joavkkus jearahallamii.Ávžžuhit ohccit merket bargoportálas jus lea doaimmashehttejupmi, guhkit áiggi jávkan bargoeallimis, dahje lea sisafárrejeaddjiduogáš. Mearkumat bargoohcciportálas hábmejit vuođu anonymiserejuvvon statistihkkii maid buot stáhtalaš ásahusat raporterejit iežaset jahkeraporttain.Sámi allaskuvllas lea šiehtadus Ovttastahtti bargoeallima birra, ja deattuha bargodili láhčimis juohke mielbargái. <h2>Oppalaččat</h2>Virgáibidjan dahkko lágaid, šiehtadusaid ja njuolggadusaid ektui mat gustojit bargiide Norgga stáhtas ja allaskuvlasektoris.Virggehasa bargosadji lea Diehtosiiddas, muhto lea vejolaš ohcat ruovttokantuvrras beassat bargat.Ohccit sáhttet gohččot bargojearahallamii ja doallat geahččalanlogaldallama.Fárrendoarjja máksojuvvo stáhta njuolggadusaid mielde.Finnmárkkus lea sierra ortnet geahpedit lohkanloana ja vearrogeahpádus.Fuomášuhttit ahte dieđut ohcciid birra sáhttet almmuhuvvot vaikko ohcci ieš lea bivdán čihkkot ohcciidlisttus. Ohcci oažžu dieđu dan birra ovdagihtii.Dievdoolbmot ávžžuhuvvojit ohccát virgái universitehta- ja allaskuvlalága (ual.) § 7-1 vuođul. Jus leat guokte dahje eambbo ohcci geain lea sullii ovttadássásaš gelbbolašvuohta, de vuoruhuvvo dievdoolmmoš ovddabeallai nissonolbmo, gč. ual. 7- 1 (2) gos boahtá ovdan ahte galgá deattuhit dásseárvvu virgáibidjamis.Virggis lea 6 mánu geahččalanáigi. <h2>Ohcan</h2>Ohcan sáddejuvvo elektrovnnalaččat www.jobbnorge.no bokte, oktan daid dokumentašuvnnaguin:<ul><li>CV </li><li>Duođaštuvvon oahppo- ja bargoduođaštusat</li><li>Ollislaš listu dieđalaš publikašuvnnain</li><li>Relevánta publikašuvnnat</li><li>Duođaštus oahpahanfágalaš/vuođđo pedagogalaš gelbbolašvuođas</li><li>Eará relevántta duođaštusat, omd bargoduođaštusat jna.</li><li>Bivdit du maiddái almmuhit guokte (2) referánssa</li></ul>Jus lea váttisvuohta deavdit elektrovnnalaš CV:a, de sáhttá váldit oktavuođa Jobbnorge áššebálvalusain e-poasta: support&#64;grade.no dahje riŋget telefovdnii: 75 54 22 20. <h2>Oktavuođadieđut</h2>Eanet dieđuid virggi birra oažžu goahtejođiheaddjis Risten Länsman, , tlf. &#43;47 784 48 550/ &#43;47 951 39 557, e- poasta: ristenl&#64;samas.no

Allaskuvlalektor riektediehtagis