Radiologi Volda, Helse Møre og Romsdal HF

Volda

Lisbeth Skipenes Andersen

<p><strong>Vil du bli ein del av vårt fagradiografteam? Vi har ledig ei 100 % fast dagstilling som fagradiograf frå 01.09.2025.</strong></p><p>Vi søkjer ein strukturert, initiativrik og fagleg engasjert radiograf. I stillinga inngår ansvar for strålevern, fagradiografoppgåver innan CT, samt støtte til seksjonsleiar i ulike oppgåver. I løpet av første kvartal 2026 får vi ny CT-maskin, og vi ønskjer å styrkje fagradiografteamet vårt. Du vil bli ein del av eit kompetent team som jobbar med å sikre god drift og utvikling av CT-tilbodet vårt. Du må trivast med å arbeide sjølvstendig, men òg like å jobbe i team.<br /><br />Radiologisk avdeling i Volda har éin CT, éin MR, tre skjelettrøntgen-laboratorium, samt ultralyd og osteodensitometri. Vi har eit stabilt arbeidsmiljø og ein livleg arbeidskvardag. I dag har seksjonen 16 radiografstillingar, der 14 går i rullerande 3-delt turnus.<br />Volda sjukehus har traumefunksjon og er i stor utvikling, med både utviding og oppgradering av fasilitetane. Avdelinga har nyleg fått eit nytt påbygg og ny MR-maskin, og ny CT vert installert i starten av 2026.</p><p><strong>Velkomen til Volda!</strong><br />Midt mellom fjord og fjell ligg Volda – eit eldorado for friluftsliv, toppturar og naturopplevingar i Sunnmørsalpane. Her finn du eit aktivt kultur- og idrettsliv, eit engasjert høgskulemiljø og gode kommunikasjonar via Ørsta/Volda lufthamn, med daglege avgangar til Oslo og Bergen. Opplev dei ville og vakre Sunnmørsalpane som byr på alt frå enkle ruter og oppmerka stiar i flate fjelldalar til utfordrande klatreturar og fantastiske toppturar. Vi byr også på eit særs blomstrande kultur- og idrettsliv og eit framoverlent høgskule miljø. <br />Sjå meir:<br /><strong><a href="https://www.youtube.com/watch?v&#61;FHDuVf1TpYY" rel="nofollow">&#x1f4fd;️ Video 1</a></strong><br /><strong><a href="https://www.youtube.com/watch?v&#61;NGSg6xygovY" rel="nofollow">&#x1f4fd;️ Video 2</a></strong></p><p>Kommunar i pendlaravstand – som Herøy, Sande, Vanylven og Stryn – er del av den nye ordninga for sletting av utdanningsgjeld.<br />Les meir: <strong><a href="https://www.regjeringen.no/no/aktuelt/ny-ordning-for-sletting-av-studielan-no-startar-oppteninga/id3080225/" rel="nofollow">Ny ordning for sletting av utdanningsgjeld – slik vil det fungere (regjeringen.no)</a></strong></p><p><em>Vi ber om at vitnemål, attestar og eventuelle tenestebevis vert lasta opp saman med søknaden. Aktuelle kandidatar vert kontakta og kalla inn til intervju fortløpande.</em></p><h3>Arbeidsoppgåver</h3><ul><li>Ansvar for opplæring, fagutvikling og evaluering av radiografar innan CT</li><li>Delta aktivt i drift og klinisk arbeid innan CT</li><li>Utarbeide og vedlikehalde prosedyrar i EQS og opplæringsplanar i Kompetanseportalen</li><li>Bidra til forsvarleg og effektiv pasientbehandling, med omsyn til pasientane sitt behov for omsorg og pleie</li><li>Haldast fagleg oppdatert og dele kunnskap med kollegaer</li><li>Bistå seksjonsleiar i ulike administrative og faglege oppgåver</li><li>Bidra til eit godt fagleg og sosialt miljø i seksjonen og på sjukehuset</li></ul><h3>Kvalifikasjonar</h3><ul><li>Autorisasjon som radiograf med norsk godkjenning</li><li>Minimum to års relevant arbeidserfaring etter endt utdanning</li><li>Vidareutdanning innan CT er ønskjeleg. Dersom dette ikkje er gjennomført, må du vere villig til å starte vidareutdanning etter avtale</li><li>Gode norskferdigheiter, både munnleg og skriftleg</li></ul><h3>Personlege eigenskapar</h3><ul><li>Sjølvstendig, fokusert og ansvarsbevisst</li><li>Lærevillig og fagleg nysgjerrig</li><li>Positiv, med gode samarbeids- og kommunikasjonsevner</li><li>Initiativrik, fleksibel og handlekraftig</li><li>Motiverast av varierte oppgåver og ønskjer å bidra til eit godt arbeidsmiljø</li></ul><p>Personlege eigenskapar og samarbeidsevner vil bli vektlagde ved tilsetjing.</p><h3>Vi tilbyr</h3><ul><li>Sterkt tverrfagleg samarbeid</li><li>Ein inkluderande arbeidsplass</li><li>Løn etter gjeldande overeinskomstar</li><li>Medlemskap i god offentleg pensjonsordning og fordelaktige forsikringsvilkår</li></ul><h3>Kontaktinformasjon</h3><p>Lisbeth Skipenes Andersen, lisbeth.andersen&#64;helse-mr.no</p><h3>Arbeidssted</h3><p>Kløvertunvegen 1<br />6103 Volda</p><h3>Nøkkelinformasjon:</h3><p>Arbeidsgiver: Helse Møre og Romsdal HF<br /> <br />Referansenr.: 4949883134<br />Stillingsprosent: 100%<br />Fast<br />Søknadsfrist: 01.06.2025</p>

Spennande fagradiografstilling, dagtid