Organisasjon og økonomi - Strategisk innkjøp, Vestland fylkeskommune

Leikanger

Sturla Alvheim

leiar

<p>Vestland fylkeskommune er mellom dei største offentlege oppdragsgjevarane i regionen, og søkjer strategisk innkjøpar til
innkjøpsseksjonen. Kontorstad for denne stillinga er Leikanger.</p><p>Innkjøpsseksjonen har ansvar for samordning, oppfølging og utvikling av innkjøpsområdet i fylkeskommunen. I tillegg har seksjonen
ansvar for tilrettelegging og bruk av IKT-verktøy i samband med
innkjøpsverksemda. Seksjonen har totalt 20 medarbeidarar og er organisert i ei
eining for operativt innkjøp, ei for strategisk innkjøp og ei for avtaleforvaltning. 15 av medarbeidarane har kontorplass i Vestlandshuset i
Bergen sentrum og 5 har kontorplass i Leikanger, ein liten halvtime frå Sogndal
med bil eller buss.</p><p>Eining for strategisk innkjøp arbeider primært med etablering og administrasjon av rammeavtalar, og gjennomføring av større
einskildkjøp der beløpet er over 1,3 MNOK. Rådgjeving og leverandørutvikling er
òg sentrale oppgåver. Eining for strategisk innkjøp har totalt 11
medarbeidarar.<br /></p><p>Innkjøpsseksjonen har nyleg etablert ei gruppe som skal drive avtaleforvaltning og -oppfølging, og strategisk innkjøpar skal saman
med avtaleforvaltar sikre ein god overføringsprosess når kontrakten skal gå frå
anskaffing til forvaltning.</p><br />
<h3>Arbeidsoppgåver</h3>Til den ledige stillinga som rådgjevar/spesialkonsulent søkjer vi deg som ønskjer å bidra til
effektiv bruk av samfunnet sine ressursar gjennom å leie og kvalitetssikre
innkjøpsprosjekt og -prosessar i samsvar med regelverket for offentlege
anskaffingar. Dette omfattar å kartlegge marknaden og behova saman med
brukarar/interessentar i Vestland, utarbeide konkurransegrunnlag og
kontraktsforslag, analysere tilboda som kjem inn, gjennomføre forhandlingar,
dokumentere tilrådd løysing, ferdigstille kontraktar og følgje opp desse.<br /> <br />Som tilsett i innkjøpsseksjonen vil du i det daglege arbeide operativt innafor
innkjøpsområdet og vil i tillegg gje innkjøpsfagleg støtte og rettleie
kollegaer i både eiga eining og i andre delar av fylkeskommunen.<h3>Kvalifikasjonar</h3><p>Vi søkjer primært deg som har jobberfaring frå innkjøp eller prosjektleiing, gjerne i offentleg sektor. Vi vil vurdere innkomne
søknader og kan også tilsette nyutdanna. Utdanning og jobberfaring vil avgjere
om søkjar blir innplassert som rådgjevar eller spesialkonsulent. Det må av fram
av søknad om ein søkjer på stilling som rådgjevar eller spesialkonsulent.</p><p>Vestland fylkeskommune har ein politisk vedteken innkjøpsstrategi der m.a. sosialt ansvar, løns- og arbeidsvilkår,
seriøsitetskrav, miljøvennlege og bærekraftige innkjøp, leverandøroppfølging,
forhandlingar, kategoristyring, behovsanalysar, bruk av balanserte
standardavtalar og personvern vert sett på som viktige element. Erfaring frå
eitt eller fleire av desse områda vert sett på som positivt.<br /></p><p>Utdanning:<br /></p><ul><li>Ønskeleg med utdanning på minimum bachelornivå frå universitet eller høgskule innan økonomi, rettsvitskap,
     samfunnsvitskap eller liknande.</li><li>Anna utdanning kan og vurderast.<br /></li></ul><p>Jobberfaring:</p><ul><li>Ønskjeleg med erfaring frå innkjøps- og prosjektarbeid.</li><li>Nyutdanna kan og søkja.</li></ul><h3>Personlege eigenskapar</h3><ul><li>Kommersiell teft.</li><li>Gode samarbeidsevner.</li><li>Analytiske og strategiske evner.</li><li>God munnleg og skriftleg framstillingsevne.</li><li>Høg etisk standard.</li><li>Evne til å arbeide sjølvstendig.</li></ul><h3>Vi tilbyr</h3><ul><li>Eit godt og utfordrande fagleg miljø med høgt tempo.</li><li>Fagleg dyktige kollegaer med stort engasjement for faget og arbeidsplassen sin.</li><li>Varierte arbeidsdagar med ulike oppgåver og utfordringar.</li><li>Moglegheit for heimekontor inntil 2 dagar i veka.</li><li>Kontorplass i rehabilitert fylkesbygg i Leikanger .</li><li>Fleksibel arbeidstid og gode pensjons- og forsikringsvilkår i tillegg til konkurransedyktig løn.</li></ul><h3>Kontaktinformasjon</h3>Sturla Alvheim, leiar, 92489670<br />
<h3>Arbeidsstad</h3>Askedalen 2<br />
6863 Leikanger<br />
<h3>Nøkkelinformasjon:</h3>Arbeidsgivar: Vestland fylkeskommune<br />
<br />
Referansenr.: 4967496073<br />
Stillingsprosent: 100%<br />
Fast<br />
Søknadsfrist: 12.06.2025<br />
<br />


Strategisk innkjøpar Leikanger