Nord Universitet

Nesna

<h2>Om stillinga</h2><p>Ved Nord universitet, Fakultet for lærerutdanning og kunst- og kulturfag, studiestad Nesna, er det ledig eit 1-årig vikariat som universitetslektor i norsk/ norskdidaktikk frå 1. august 2025. Stillinga er knytt til utdannings- og forskingsmiljøet ved Nesna.</p><p>Stillinga har kontorstad Nesna. Fagmiljøet ved Nord universitet er fordelt på fleire studiestadar, så ulike former for samarbeid mellom vitskapleg tilsette ved fakultetet er viktig, uansett geografisk plassering.</p><p>Stillinga kan også innebere arbeidsoppgåver ved Nord universitet sine andre studiestadar.</p><br /><h2>Arbeidsoppgåver</h2><p>Stillinga er i hovudsak tillagt undervisning, praksisoppfølging og rettleiing av bacheloroppgåver på barnehagelærarutdanning, samt FoU-oppgåver og masteroppgåver i grunnskulelærarutdanning. Stillinga er knytt til undervisning på bachelor- og masternivå i norskfaglege emne innan litteratur- og språkdidaktikk.</p><p>Lærarutdanningsprofilen og profesjonsretta forsking og utviklingsarbeid er sentrale ved fakultetet, difor er det viktig at den som blir tilsett, er innstilt på å orientere seg mot profesjonsspesifikke problemstillingar.</p><p>Det ventast at den som blir tilsett, tar del i og bidreg i utviklinga av fagmiljøet i norsk ved fakultetet, saman med kollegaer. </p><br /><h2>Kvalifikasjonskrav </h2><p>For å innfri kvalifikasjonskrava til universitetslektor krevs minst: </p><ul><li>høgare grads eksamen eller tilsvarande innan relevant fagområde</li><li>utdanningsfagleg kompetanse</li><li>god munnleg og skriftleg framstillingsevne i norsk (bokmål og nynorsk) og engelsk.</li><li><p>relevant yrkes- eller undervisningserfaring </p><p>Søkjarar må dokumentere at dei har grunnleggjande ferdigheiter innan planlegging, gjennomføring, evaluering og utvikling av undervising og rettleiing. Nord universitet har eigne vilkår for utdanningsfagleg kompetanse, sjå meir informasjon på <a href="https://www.nord.no/om/ansettelsesprosess#krav-om-utdanningsfaglig-kompetanse" rel="nofollow">Nords nettsider.</a> </p><p>Tilsetjing i midlertidige stillingar opnar for å påleggje gjennomføring av utdanningsfaglege kurs av mindre omfang. Følgjande minimumskrav gjeld for midlertidige stillingar: Alle som skal undervise og /eller rettleie må minimum gjennomføre dagskurs i utdanningsfagleg kompetanse, før dei kan undervise og rettleie studentar ved Nord universitet.</p></li></ul><br /><h2>Ved vurdering og rangering av kvalifiserte søkjarar vil det bli lagt vekt på:</h2><ul><li>Erfaring frå undervising og rettleiing på bachelor- og masternivå frå universitets- og høgskolesektoren </li><li>Pedagogiske kvalifikasjonar</li><li>Relevant yrkespraksis</li><li>God evne til å kommunisere og samarbeide med studentar og kollegaer </li><li>Personlege eigenskapar som kan bidra positivt til arbeidsmiljøet</li></ul><br /><h2>Vi tilbyr</h2><p>Stillinga blir løna etter Statens regulativ, kode 1009 for universitetslektor. Løn etter avtale. </p><p>Frå løna går lovfesta innskot til Statens pensjonskasse.</p><ul><li>God låne-, forsikrings- og pensjonsordning i <a href="http://www.spk.no" rel="nofollow">Statens pensjonskasse</a></li><li>Kreativt og kollegialt arbeidsmiljø</li><li>Ein arbeidsplass i stadig utvikling</li><li>Fleksibel arbeidstid</li><li>Aktivt bedriftsidrettslag</li></ul><br /><h2>Generell informasjon</h2><p>Den som blir tilsett, må rette seg etter dei lover, avtalar og instruksar som til ei kvar tid gjeld for stillinga. Det blir teke atterhald om endring i ansvars- og arbeidsområde som følgje av framtidig organisasjonsutvikling og omorganisering ved Nord universitet.</p><p>Den statlege arbeidsstyrken skal i størst mogleg grad spegle mangfaldet i befolkninga. Nord universitet oppfordrar difor kvalifiserte kandidatar med nedsett funksjonsevne, hol i CV&#39;en, innvandrarbakgrunn og elles ulik livserfaring til å søke. </p><p>Opplysingar om nedsett funksjonsevne eller hol i CV kan bli brukte til anonymiserte registreringsføremål.</p><br /><h2>Kontakt</h2><p>Nærare opplysing om stillinga får ein ved å ta kontakt med:</p><ul><li>Faggruppeleder May Line R. Tverbakk, e-post: <a href="mailto:may.l.tverbakk&#64;nord.no" rel="nofollow">may.l.tverbakk&#64;nord.no</a>, tlf. 75 51 77 38</li><li>Førstelektor Kathrine Fosshei, e-post: <a href="mailto:kathrine.fosshei&#64;nord.no" rel="nofollow">kathrine.fosshei&#64;nord.no</a>, tlf. 75 05 78 71</li></ul><br /><h2>Søknadsprosessen</h2><p>Aktuelle kandidatar vil bli kalla inn til intervju og prøveførelesing.</p><br /><h2>Søknad</h2><p>Søknad sendast elektronisk innan <strong>01.06.2025.</strong></p><p><strong>Den elektroniske søknaden skal innehalde:</strong></p><ul><li>Søknadsbrev</li><li>Fullstendig curriculum vitae</li><li>Kopi av vitnemål og attestar</li><li>Utdanningsfaglig CV og refleksjonsnotat ihht utfyllande bestemmelsar for utdanningsfaglig kompetanse</li><li>Dokumentasjon på annan aktivitet som vurderast som relevant for stillinga, og som er ønskt teken med i vurderinga</li><li>Kontaktinformasjon til 2-3 referansepersonar</li></ul><p><strong>All dokumentasjon som det skal takast omsyn til, skal lastast opp som vedlegg til søknaden.</strong></p><p><strong>Fullstendig elektronisk dokumentasjon skal sendast inn innan søknadsfristen.</strong></p><p>Etter at søknadsfristen er gått ut blir det utarbeidd ei offentleg søkjarliste. Vi gjer merksam på at opplysingar om søkjaren kan offentleggjerast sjølv etter ønskje om å bli utelaten frå søkjarlista. Søkjarar som likevel bed om konfidensialitet, skal grunngje dette særskilt i søknaden. Søkjarane vil i så fall bli varsla på førehand om offentleggjering.</p><p><strong>Referanse: 30236197</strong></p><br />

Universitetslektor i norsk/ norskdidaktikk