Nevroklinikken/ Nevrologisk avdeling, Helse Bergen HF

Bergen

Petter Schandl Sanaker

Avdelingsjef

<p>Helse Bergen, Haukeland universitetssjukehus, har ledig 100% fast stilling for psykolog med spesialistgodkjenning i Nevropsykologi ved Nevrologisk avdeling frå 01.09.2025. Deltidsstilling, t.d. i kombinasjon med akademisk stilling, kan vere mogleg. Ta kontakt - vi  oppmodar alle interesserte til å søke. <br /><br />Nevrologisk avdeling driv akuttbehandling, kompleks utgreiing og rehabilitering av alle slag nevrologiske lidingar, hos vaksne, både døgnbasert og poliklinisk. Nevrologisk avdeling er del av Nevroklinikken som òg famnar om Nevrokirurgi og Klinisk nevrofysiologi. Det er fleire aktive forskingsmiljø knytt til avdelinga og klinikken, innan t.d. epilepsi, multippel sklerose, nevrodegenerative lidingar, ALS, hovudpine og hjerneslag. <a href="https://www.uib.no/k1/63749/forskergrupper#nevrolgi" rel="nofollow">Forskningsgrupper i Nevrologi ved UiB<br /><br /></a>Pasientar med nevrologisk sjukdom gir eit unikt innblikk i samanhangen mellom hjernestruktur og åtferd. Arbeidet vil gi spennande utfordringar for spesialist i nevropsykologi, grunna det komplekse samspelet mellom kognitive, emosjonelle og motoriske funksjonar. Kvar pasient representerer eit individuelt nevrologisk og nevropsykologisk puslespel som set krav til både klinisk erfaring og teoretisk innsikt. <br /><br />Som klinisk nevropsykolog ved avdelinga vil du ha ansvar for det nevropsykologiske utgreiingstilbodet. Tilbodet skal utviklast i tråd med god klinisk praksis og forsking, og ved behov tilpassast særleg til pasientar med ulike nevrologiske sjukdommar. Du vil ha ansvar for nevropsykologisk utgreiing av tilviste pasientar, utarbeide nevropsykologisk rapport, og formidle resultat til pasient og pårørande og til tilvisar. Pasientane kan vere eksternt eller internt tilviste med spesifikt ønske om nevropsykologisk undersøking, eller dei kan trenge kartlegging som del av behandling eller oppfølging av nevrologisk sjukdom. <br /><br />Nevropsykologen deltar i fellesmøte og internundervisning ved avdelinga, og i tverrfagleg samarbeid med relevante yrkesgrupper og eksterne samarbeidspartnarar. Det er t.d. eigne seksjonar for ergo- og fysioterapi, sosionomtenester og logopedi knytt til avdelinga. <br /><br /> Du vil ha moglegheit til å delta i forskings- og kvalitetsforbetringsprosjekt ved avdelinga etter avtale med avdelingsleiar. Avdelinga tilbyr praksisplass for psykologar i spesialistutdanning i klinisk nevropsykologi under di rettleiing. <br /><br />Nevropsykolog i avdelinga rapporterer til avdelingssjefen som òg er leiar for legegruppa. </p><br />
<h3>Arbeidsoppgåver</h3><ul><li>Utgreiing av nevrologiske pasientar med nevropsykologiske metodar</li><li>Dokumentasjon av nevropsykologisk rapport og formidling av resultat</li><li>Tverrfagleg samarbeid om vurdering av pasientar</li><li>Undervisning og formidling</li><li>Praksisrettleiing av nevropsykologikandiatar</li><li>Bidra til godt samarbeid, fagutvikling og arbeidsmiljø </li></ul><h3>Kvalifikasjonar</h3><ul><li>Norsk autorisasjon som psykolog</li><li>Spesialistgodkjenning i Nevropsykologi</li><li>Søkarar må beherske norsk godt munnleg og skriftleg</li><li>Vi legg vekt på både klinisk og vitskapeleg erfaring </li></ul><h3>Personlege eigenskapar</h3><ul><li>Du er fagleg nysgjerrig</li><li>Du brenn for nevrofag</li><li>Du likar å samarbeide på tvers av profesjon for å oppnå gode resultat<br /></li></ul><h3>Vi tilbyr</h3><ul><li>Fagleg og personleg utvikling i eit sterkt fagleg og triveleg miljø </li><li>Lønn i samsvar med gjeldande overeinskomst </li></ul><br /><p>Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.</p><h3>Kontaktinformasjon</h3>Petter Schandl Sanaker, Avdelingsjef, 55976059<br />
<h3>Arbeidsstad</h3>Haukelandsveien 22<br />
5021 Bergen<br />
<h3>Nøkkelinformasjon:</h3>Arbeidsgivar: Helse Bergen HF<br />
<br />
Referansenr.: 4972685931<br />
Stillingsprosent: 100%<br />
Fast<br />
Søknadsfrist: 08.06.2025<br />
<br />


Spesialist i Nevropsykologi i Nevrologisk avdeling