Lom Kommune

Sander Sælthun

Fagleiar

Lom og Skjåk kommunar har felles tenester på fagområda plan, byggesak og miljø. På felleskontoret har vi fem tilsette som arbeider med kommunale planar på alle nivå i planhierarkiet, handsaming av private reguleringsplanforslag, kommunale planstrategiar, dispensasjonar, byggesaker, forureining og utslepp, miljø og utmark.
Felleskontoret har nå ein ledig stilling som byggesaksbehandlar.
Arbeidsoppgåver:
<ul><li>
Handsaming av byggesøknader: Mottak og vurdering av byggesøknader i samsvar med plan- og bygningslova. Dette inkluderer å sikre at søknadene oppfyller alle krav og forskrifter, samt å gi nødvendige løyve.
</li><li>
Rettleiing og rådgjeving: Gi rettleiing og rådgjeving til søkjarar, utbyggarar og publikum om byggesaksprosessen, regelverk og tekniske krav. Dette kan skje både gjennom personlege møter, telefon og skriftleg kommunikasjon.
</li><li>
Samhandling: Samarbeide tett med andre avdelingar i kommunen samt med eksterne aktørar som arkitektar, ingeniørar og entreprenørar.
</li><li>
Klagehandsaming: Behandle klager på byggesaksvedtak.
</li><li>
Oppdatering av kunnskap: Halde seg oppdatert på endringar i lovverk, forskrifter og tekniske standardar som påverkar byggesaksbehandlinga, og delta på kurs og faglege samlingar for å styrke kompetansen.
 
</li></ul>
Andre oppgåver kan bli tillagt stillinga avhengig av behov og kvalifikasjonar.
Kvalifikasjonar:
<ul><li>
Det er ynskjeleg med relevant utdanning innan byggfag, ingeniørfag, juss eller liknande. Søkarar utan formell utdanning, men med relevant erfaring vil kunne bli vurdert.
</li><li>
Erfaring frå byggesaksbehandling eller tilsvarande arbeid vil bli lagt vekt på.
</li><li>
God kjennskap til plan- og bygningslova er ein fordel.
</li><li>
Gode kommunikasjonsevner og evne til å arbeide sjølvstendig.
</li><li>
Det er ynskjeleg med GIS-kompetanse og matrikkelførarkurs, men dette er ikkje påkravd.
</li></ul>
Vi ser etter ein person som kan har gode samarbeidsevne og som også kan arbeide sjølvstendig, som tek initiativ, er strukturert og sørvisinnstilt. God skriftleg og munnleg framstillingsevne blir vektlagt. Administrasjonsmålet i Lom kommune er nynorsk.
Løn etter avtale og gjeldande tariff.
Søkarar bør ha førarkort klasse B.
Vi gjer merksam på at namn på søkarar kan bli offentleggjort sjølv om ein reserverer seg mot det, jamfør offentleglova § 25.
Elektronisk søknadsskjema finn du på www.lom.kommune.no.
Søknadsfrist: 31. mai 2025

Fast stilling som byggesaksbehandlar i Lom og Skjåk