Lærdal kommune Helsesenter

Lærdal

Malin Partenyi

I Lærdal bur me ikkje meir enn rundt 2 200 menneske, men jammen skjer det mykje her! Store marknadar, musikkfestival, matfestival, gytefestival (Du får berre googla), varierte konsertar, motbakkeløp, terrengløp, fotballcup med gamle stjerner, vårfest og mykje anna.Me har majestetiske fjell med eit vel av fantastiske turalternativ både til fots og på ski, masse fiskevatn og gode jaktmoglegheiter. Og me har eit koseleg sentrum heilt ned til fjorden med gamle, søte trehus. På dei mange åkrane i dalen dyrkar dyktige bønder poteter, grønsaker, bær og frukt i rikt monn.Kommunen vår er faktisk veldig sentralt plassert – tre timars køyring til Bergen ein veg, fire timars køyring til Oslo andre vegen. Dessutan ligg «bygdebyen» Sogndal og turistmagneten Aurland berre ein dryg halvtime unna. Og me har lokalsjukehus.Er du oppteken av fagleg utvikling, dyktige og kjekke kollegaer - i eit triveleg arbeidsmiljø? Ønskjer du deg ei passeleg listelengd og ryddige arbeidsforhold med faste administrasjonsdagar? Då er Lærdal helsesenter rette staden for deg.Me søkjer deg som har gyldig autorisasjon som lege, utan avgrensingar, er under ALIS utdanning - eller er spesialist i allmennmedisin.Lærdal helsesenter har tre fastlegeheimlar og ei LIS1-stilling. Me har eit erfaren og kompetent hjelpepersonell med dyktige sjukepleiarar. Legekontoret har omlag 2200 listepasientar og er samlokalisert med helsestasjon, kreftkoordinator, fysioterapi, ergoterapeut, frisklivssentral og psykisk helseteneste. Tenesta nyttar CGM Allmenn som journalsystem (med overgang til Pridok ila haust 2025).Kontoret er godt utrusta med akuttmedisinsk utstyr, ultralydapparat, skiftestove/akuttrom, laboratorium og uniformert legevaktsbil. I tillegg til utredning og behandling, har tenesta ansvar for førebyggjande helse- og smittevernarbeid, tilsyn på sjukeheim og visittgang på kommunal akutt døgneining (KAD) I tillegg til daglegevakt inngår arbeid ved interkommunal legevakt på Lærdal sjukehus i 12-delt vaktlinje, med vakt kvar sjette helg.Arbeidsoppgåver og arbeidstid:<ul><li>Allmennmedisinske oppgåver</li><li>Daglegevakt (08.00-15.30)</li><li>Deltaking i interkommunalt legevaktsamarbeid saman med Aurland og Årdal kommune</li><li>20% av stillinga er knytt til tilsynslegefunksjon på KAD. Andre kommunale funksjonar som helsestasjons- og skulehelseteneste og tilsyn på sjukeheim kan bli lagde til stillinga ved behov</li><li>Offentleg godkjent lege med norsk autorisasjon</li><li>Spesialist i allmennmedisin eller kandidat under utdanning gjennom ALIS. Kommunen er godkjent som opplæringsverksemd for spesialisering i allmennmedisin og vil legge til rette for eventuell gjennomføring av utdanning</li><li>Kjennskap til og gjerne erfaring frå offentleg forvaltning og helsearbeid er eit føremon</li><li>Norskkunnskapar tilsvarande B2 eller betre, og gode munnlege og skriftlege kommunikasjons- og framstillingsevner</li><li>Evne og vilje til tverrfagleg samarbeid</li><li>God erfaring med digitale verktøy</li><li>Søkjar må ha førarkort klasse B</li><li>Gyldig politiattest må leverast før tilsetting</li></ul>Utdanning/kvalifikasjonar/eigenskapar:Me legg særleg vekt på at du har dei personlege eigenskapane me ønskjer: at du har gode samarbeidsevner og kan arbeida i team, er interessert i fagutvikling, er relasjonsorientert og endringsvillig.Me tilbyr: <ul><li>100% fast stilling</li><li>Fastløn og insentiv etter inntening</li><li>ALIS-avtale med fast rettleiar for deg i spesialiseringsløp</li><li>Spennande utviklingsoppgåver i eit godt og tverrfagleg fagmiljø</li><li>Triveleg arbeidsmiljø og gode kollegaer</li><li>Gode faglege og personlege utviklingsmoglegheiter</li><li>Konkurransedyktig pensjonsordning i KLP</li><li>Gruppe- og ulykkesforsikring</li><li>Hjelp til å skaffe bustad</li></ul>Det kan nemnast at Lærdal kommune mellom anna har:<ul><li>Full barnehagedekning</li><li>Gratis fulltids-SFO for 1.- og 2. klassingar, og gratis deltids-SFO for 3. klasse</li><li>Gratis kommunale bustadtomter rett ved Borgund sentrum</li><li>Gratis tilgang til treningssenter for tilsette</li><li>Eit variert kommunalt kulturprogram i tillegg til alt det andre som skjer i bygda</li></ul><a href="https://www.laerdal.kommune.no/ny-i-laerdal.593206.nn.html" rel="nofollow">Les meir om Lærdal ved å klikka på denne lenkja</a> Link til søknadsskjema: <a href="https://laerdal.easycruit.com/vacancy/application/3506333/248527?channel&#61;NavRest&amp;iso&#61;nn" rel="nofollow">Søk her</a>

100% stilling som fastlege i vakre Lærdal kommune