Laboratorieklinikken/ Avdeling for medisinsk genetikk, Helse Bergen HF

Bergen

Vidar Martin Steen

Avdelingssjef

Ved Avdeling for medisinsk genetikk er det ledig ei fast 100% stilling som spesialkonsulent, organisert i stab. Ønska oppstart er 01.09.2025, men anna startdato kan avtalast.   Avdelinga er ei av åtte organisatoriske einingar i Laboratorieklinikken, Haukeland universitetssjukehus. Avdelinga har regionansvar for genetiske tenester i Helse Vest. Vi har om lag 90 tilsette med ulik yrkesfagleg bakgrunn, og vi er organisert i ein seksjon for klinisk genetikk, ei laboratorieeining med to seksjonar, og ein merkantil seksjon. Regionalt kompetansesenter for arveleg kreft (RKAK) og Regionalt senter for presisjonsmedisin er også knytta til avdelinga. Vi held til i lyse og trivelege lokale i 6. etasje i Laboratoriebygget, medan vår medisinsk-genetiske poliklinikk er lokalisert til 2. etasje i same bygg.<br /><br />Verksemda er kjenneteikna av tett integrering mellom klinikk og laboratorium for diagnostisk utgreiing, rettleiing og oppfølging av pasientar og deira familiar med sikker eller mistenkt genetisk tilstand. Fagområdet medisinsk genetikk er i rask endring, basert på ny teknologi som gjer det mogleg å analysere alle dei genetiske variantane til et menneske i éin prøve. Gjennom utviklinga av persontilpassa medisin forventar vi at raskt aukande kunnskap om variasjon i arvestoffet vil få stor innverknad på medisinsk praksis i framtida. Forsking er ein viktig del av vår verksemd.<br />
<h3>Arbeidsoppgåver</h3><ul><li>utføre spesifiserte merkantile funksjonar og arbeidsoppgåver knytt til styring og dagleg drift av avdelinga</li><li>bidra til regelbunden gjennomgang av avdelinga si økonomiske status</li><li>halde oversikt over selekterte styringsdata, og overvake pasient-relaterte rapportar</li><li>ha delansvar for fordeling og lagring av innkomande og utgåande saksdokument, inkludert kontroll og oppdatering av sjukemeldingar for avdelinga sine tilsette</li><li>ha delansvar for bestilling av varer og fakturering</li><li>hjelpe til med pasientadministrative oppgåver, etter avtale</li></ul><h3>Kvalifikasjonar</h3><ul><li>må ha relevant merkantil/administrativ/økonomisk utdanning.</li><li>må ha relevant erfaring med fagsystem for personaladministrasjon, rekruttering, bestilling, økonomistyring m.v.</li><li>må ha relevant arbeidserfaring frå spesialisthelsetenesta, inkludert bruk av elektronisk pasientjournal (EPJ). Det er ein fordel med erfaring frå fagfeltet medisinsk genetikk.</li><li>den som blir tilsett må kunne kommunisere godt på norsk eller eit skandinavisk språk, både skriftleg og munnleg</li></ul><h3>Personlege eigenskapar</h3><ul><li>Du arbeider ansvarsbevisst og nøyaktig, med respekt for å overhalde tidsfristar</li><li>Du er innsatsvillig, engasjert og fleksibel, med god evne til å gjennomføre pålagde arbeidsoppgåver</li><li>Du kommuniserer og samarbeider godt med pasientar, pårørande og kollegaer</li><li>Du bidrar positivt til å skape eit godt arbeidsmiljø</li></ul><h3>Vi tilbyr</h3><ul><li>Lønn i samsvar med gjeldande overeinskomst</li><li>Konkurransedyktig pensjonsordning</li><li>Triveleg arbeidsmiljø</li><li>Fleksibel arbeidstid</li><li>Gode moglegheiter for fagleg og personleg utvikling</li><li>Ein arbeidsplass som er ei inkluderande arbeidsliv-bedrift (IA-bedrift)</li></ul><br /><p>Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.</p><h3>Kontaktinformasjon</h3>Vidar Martin Steen, Avdelingssjef, 95936016<br />
<h3>Arbeidsstad</h3>Haukelandsveien 22<br />
5021 Bergen<br />
<h3>Nøkkelinformasjon:</h3>Arbeidsgivar: Helse Bergen HF<br />
<br />
Referansenr.: 4979810167<br />
Stillingsprosent: 100%<br />
Fast<br />
Søknadsfrist: 15.06.2025<br />
<br />


Spesialkonsulent