Kunnskapsparken Vestland

Førde

Har du interesse for forretningsutvikling, innovasjon og entreprenørskap? Bli med på laget for å hjelpe fram nyskapande vekstbedrifter i vår region!
Kan du tenke deg ein jobb som ligg i brytningspunktet mellom rådgjeving, prosjektleiing, forretningsutvikling og innovasjon? Blir du trigga av tanken på å jobbe tett på framtidas næringsliv, trivst med å ha prosjekt gåande samtidig og drøymer om ein variert og meiningsfull arbeidskvardag? Då er dette jobben du har sett etter, og vi leitar etter deg!
Vi søker ein lagspelar og nettverksbyggar med interesse og forståing for innovative og kommersielle prosessar. Oppdraget vårt? Å jobbe fram livskraftige og lønsame bedrifter i vår region.
Arbeidsoppgåver:
Som tilsett hjå oss vil du inngå i eit sterkt team og få ei allsidig rolle med gode utviklingsmoglegheiter. Du vil i stor grad kunne påverke din eigen arbeidskvardag, og du vil få stor tillit og fridom i ditt arbeid.
Saman med kollegaer vil du blant anna:
<ul><li>
Bidra til å identifisere og evaluere nye forretningsidear i vår region
</li><li>
Rådgjeving og oppfølging av innovative oppstartsbedrifter og eksisterande vekstkraftige bedrifter
</li><li>
Delta i utvikling og kommersialisering av nye idear og forskingsresultat
</li><li>
Initiere, utvikle og leie nye lønsame utviklings- og samarbeidsprosjekt med andre verksemder og innovasjonsmiljø
</li><li>
Legge til rette for nettverksbygging og møteplassar
</li></ul>
Kven er du:
Vi ser etter deg som er initiativrik, løysningsorientert og som får ting gjort!
Det viktigaste for oss er at du er ein som brenn for utvikling, men vi håpar òg at du gjennom nytenking vil utfordre oss som team og våre etablerte rutinar.
Vi ser etter deg som likar å ha med menneske å gjere, og som trivast i den rådgjevande og støttande rolla. Vi trur at du gjennom tidlegare arbeid har utvikla ei solid evne til å «snu deg raskt rundt» når det gjeld, og «halde hovudet kaldt» når situasjonen krev det. Dette er eigenskapar du vil ha god nytte av i arbeidet hjå oss.
I tillegg til dette er du sjølvstendig og har gode kommunikasjons- og samarbeidsevner.
Vidare ser vi for oss at du har:
<li>Brei og relevant erfaring frå arbeidslivet der du har fått kjenne på både oppturar og nedturar.</li>

<ul><li>
God forretningsforståing og kjennskap til utvikling av næringsverksemd.
</li><li>
God skriftleg og munnleg kommunikasjonsevne på norsk og engelsk.
</li><li>
Erfaring frå prosjektleiing og det å jobbe målretta for å nå høge mål.
</li><li>
Høgare utdanning innan innovasjon, leiing eller økonomi kan vere ein fordel -- men ikkje la mangelen på dette hindre deg i å søke.
</li></ul>
Kva vi kan tilby deg?
<ul><li>
Ein spennande jobb, der ditt bidrag blir viktig for næringsutvikling i regionen
</li><li>
Å få vere med å utvikle framtidas næringsliv i ein region med sterk skaparvilje, -- og samtidig bidra til at fleire gründerar og verksemder i distrikta lukkast*.*
</li><li>
Stabilitet -- Ein trygg og stabil arbeidsgivar der personleg utvikling er i fokus
</li><li>
Kjekk arbeidsplass --Du blir ein del av eit triveleg og sosialt arbeidsmiljø med korte beslutningsvegar. Din kontorstad er i Førde, men vi jobbar på tvers av kommunegrenser og har nedslagsfeltet vårt i heile gamle Sogn og Fjordane.
</li><li>
Gode løns- og pensjonsvilkår
</li><li>
Fleksibilitet -- Vi har ein fleksibel arbeidskvardag, og du har i stor grad moglegheit til å påverke ditt eige arbeid både når du sit på heimekontor , er ute hos bedriftene eller sit på kontoret ditt på Peak.
</li></ul>
Er du den vi ser etter?
Drøymer du om ein jobb der du får bidra til eit betre «i morgon»? Ynskjer du å få lov til å være med å «bygge» og «skape» saman med andre for å legge gode fundament for framtida til regionen du bur i og dei som kjem etter?
Vi ser etter nokon med rett innstilling, og som kan utfylle oss i teamet for nettopp desse oppgåvene. Vi håpar det er deg!
Send oss ein søknad innan 22.06.2025, eller ta kontakt med Kjetil Kvåle (leiar) eller Sigrid Førde (Forretningsutviklar) om du ynskjer ein uforpliktande prat. Følg linken for kontaktinformasjon:
https://www.kpvest.no/kontakt

Vil du vere med og forme det neste kapittelet for næringslivet i vår region?