Høgskulen På Vestlandet

Bergen

Eirik S. Jensen

Forskningskoordinator

Vegard Fusche Moe

Prodekan for forskning

<h2>Ved Høgskulen på Vestlandet (HVL), Fakultet for lærarutdanning, kultur og idrett (FLKI) er det ledig ei åremålsstilling som stipendiat innan rekruttering av studentar til lærarutdanningane.</h2>Stillinga er knytt til<a href="https://www.hvl.no/samarbeid/samarbeid-lararutdanning-og-kreative-fag/mangfoldlaerer/" rel="nofollow"> Nasjonalt prosjekt for lærarrekruttering (NPL),</a> som har som mål at fleire søkjer lærarutdanning og startar i yrket. I tett samarbeid med UH-institusjonar, barnehage- og skuleeigar, studentar og andre relevante aktørar er målet for NPL å utvikla nasjonale og regionale tiltak for god rekruttering til lærarutdanning og læraryrke. Forskingsteamet i prosjektet omfattar i dag ein postdoktor, ein professor II og ein forskingskoordinator. Prosjektet vil styrke det forskingsbaserte og kunnskapsutviklande arbeidet, og lyser ut ei stilling som stipendiat. Stipendiatstillinga vil forske på rekrutteringstiltak og -strategiar for lærarutdanningane med vekt på barnehagelærarutdanningane. «<a href="https://www.regjeringen.no/no/dokumenter/strategi-for-larerrekruttering/id3025152/" rel="nofollow">Flere lærere i barnehage og skole: Strategi for rekruttering til lærerutdanningene og læreryrket 2024-2030»</a>synar regjeringa sin strategi for lærarrekruttering og er eit sentralt dokument i arbeidet. Stipendiatstillingar er rekrutteringsstillingar som skal bidra til eit aktivt forskingsmiljø ved HVL. Det er ønskeleg med tiltreding 01.01.2026.Fleksibel arbeidstad kan vurderast dersom søkjar ønskjer det. <h2>Ansvars- og arbeidsområde:</h2>Det er forventa at stipendiaten fullfører ein ph.d. avhandling innan tre år, basert på fagfellevurderte artiklar. Det er og forventa at stipendiaten deltek aktivt i intellektuelt og sosialt forskargruppearbeid. Dette kan innebere å vere medforfattar, å dele arbeid undervegs i seminar, verkstad og på konferansar, og det inneber å respondere konstruktivt på initiativ frå andre og sjølv vere ein drivar i miljøet. Stipendiaten vil få tildelt rettleiarar knytt til NPL, men kan også foreslå andre rettleiarar som kan inngå i eit rettleiarteam.Det er ei føresetnad at stipendiatens prosjekt innrettast slik at stipendiaten kan bli tatt opp på ph.d.- programmet &#34;Studiar av danning og didaktiske praksisar&#34;. Sjå omtale, studieplan og opptakskrav for programmet her: <a href="https://www.hvl.no/forsking/forskarutdanning/studier-avdanning-og-didaktiske-praksisar/" rel="nofollow">https://www.hvl.no/forsking/forskarutdanning/studier-avdanning-og-didaktiske-praksisar/</a> Som stipendiat vil du: <ul><li>Saman med forskarar delta i prosjektplanlegging og  utvikling av forskingsspørsmål og analyse av data</li><li>Delta i både kvalitativ og kvantitativ datainnsamling om lærarrekruttering </li><li>Publisere vitskaplege artiklar og annan type formidling </li><li>Samarbeide med nasjonale og regionale aktørar om å utvikle kunnskap om rekruttering til lærarutdanning</li><li>I tillegg til å gjennomføre ph.d.-prosjektet er det forventa at stipendiaten presenterer eigen forsking skriftleg og munnleg i ulike fora, inkludert på nasjonale og internasjonale vitskaplege konferansar og tidsskrifter. </li></ul>Rettleiar vil saman med kandidaten utarbeide ein detaljert plan for forskarutdanninga som skal knytast til opptak ved ph.d.- utdanninga. Endeleg plan for doktorgradsutdanning skal være godkjent og avtalefesta seinast tre månader etter tilsetting.   <h2>Kvalifikasjonskrav:</h2> Relevant mastergrad (eller tilsvarande) innanfor pedagogikk eller fagkombinasjonar innanfor samfunnsvitskaplege eller humanistiske fagområde. For studentar som leverte masteroppgåva våren 2025 må oppgåva vere godkjent før søknadsfristen og karakter leggast ved.<ul><li>Karakteren på masteroppgåva skal normalt vere B eller betre </li><li>Prosjektskildring og kvaliteten på denne blir vektlagt</li><li>Forskingsrelevant erfaring, slik som publisering og deltaking i forskingsprosjekt frå inntil 3 siste år blir vektlagt</li><li>Personen som blir tilsett må dekkje krava til opptak på ph.d.-programmet &#34;Studiar innan danning og didaktiske praksisar&#34;. For meir informasjon, sjå <a href="https://www.hvl.no/globalassets/hvl-internett/dokument/p.hd/opptakskrav-danning-phd.pdf" rel="nofollow">https://www.hvl.no/globalassets/hvl-internett/dokument/p.hd/opptakskrav-danning-phd.pdf</a></li><li>Søkjarar må ha gode ferdigheiter i norsk eller eit anna skandinavisk språk, samt i engelsk, både skriftleg og munnleg </li></ul> Ønska kvalifikasjonar: <ul><li>Kjennskap til lærarutdanningar og rekrutteringsutfordringar</li><li>Kjennskap og interesse for kvantitativ og kvalitative forskingsmetodar </li></ul>Personlege eigenskapar:<ul><li>Ha gode samarbeids- og formidlingsevner </li><li>Ha evne til å arbeide sjølvstendig, ta initiativ og være fleksibel</li><li>Evne til å arbeide effektivt og systematisk </li><li>Evne til nytenking og gjennomføring</li><li>Bidra til eit inkluderande og internasjonalt arbeidsmiljø </li></ul>Søkjarar må levere ei førebels prosjektskildring på maksimalt fem sider (litteraturliste kjem i tillegg) som beskriv korleis søkjar ser for seg gjennomføringa av stipendiatprosjektet, med val av tema, problemstillingar, metode og plan for gjennomføring av prosjektet. Den førebelse prosjektskildringa vil brukas i vurdering av kandidatens kvalifikasjonar og vil ikkje være den endelege prosjektskildringa. Den endelege prosjektskissa vil bli utarbeida i samarbeid med tildelt rettleiar når ein søkjer opptak til doktorgradsprogrammet. Søknad om opptak til doktorgradsprogrammet skal først sendast etter ein eventuell tilsetting. Den som blir tilsett skal søkje om opptak til ph.d.-utdanninga &#34;Studiar innan danning og didaktiske praksisar&#34; ved Fakultet for lærarutdanning, kultur og idrett. innan tre (3) månader etter oppstart. Jf. Forskrift for graden ph.d. ved HVL § 2-4.   <h2>Korleis søkje på stillinga?</h2>Send søknad og CV ved å klikke på knappen merka ”Søk stillingen” på denne sida.Vi gjer merksam på at søknader vert vurdert ut frå den informasjon som er lagt inn i www.jobbnorge.no ved søknadsfristens utløp. Det er søkjar sitt ansvar å sørgje for at alle relevante vedlegg er lagt inn innan fristen, herunder;<ul><li>masteroppgåva/hovudfagsoppgåva</li><li>inntil fem vitskapelege arbeid du ønskjer å ha med i vurderinga</li><li>fullstendig publikasjonsliste</li><li>prosjektskildring</li><li>attestar og vitnemål.</li></ul>Dersom vitnemåla, karakterutskrifter eller annan dokumentasjon ikkje er på eit skandinavisk språk eller engelsk, må søkjar sjølv laste opp attesterte omsettingar. Om vedlegga overskridar 25 MB må dei komprimerast før opplasting eller leggjast ved som lenkje, total maksgrense for opplasting av vedlegg er 50 MB.Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad.  <a href="https://hkdir.no/utdanning-fra-utlandet/jeg-har-utdanning-fra-utlandet/sok-godkjenning-av-hoyere-utdanning-bachelor-master-ph-d" rel="nofollow">Sjå www.hkdir.no for meir informasjon om vurdering av høgare utdanning. </a>HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vera tilstrekkeleg å leggje ved dokumentasjon på dette. <a href="https://hkdir.no/utdanning-fra-utlandet/jeg-har-utdanning-fra-utlandet/sok-godkjenning-av-hoyere-utdanning-bachelor-master-ph-d/automatisk-godkjenning-et-raskere-alternativ" rel="nofollow">Du kan lese meir om ordninga med automatisk godkjenning her.</a>Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga.  Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din. Søkjarar til stipendiatstillingar vert vurdert av ein bedømmingskomité. Bedømminga skjer på bakgrunn av dokumentert kompetanse og andre krav fastsett i utlysinga. På bakgrunn av komitéen si innstilling vil aktuelle søkjarar bli kalla inn til intervju.Tilsettingsorgan er tilsettingsutvalget/råd ved Høgskulen på Vestlandet.Søknadene vert sendt elektronisk til bedømmingskomitéen.Søknader kan ikkje sendast på e-post til enkeltpersonar ved høgskolen. <h2>Vi tilbyr:</h2><ul><li>Gode pensjons-, forsikrings-, og låneordningar i Statens pensjonskasse</li><li>Spennande fagmiljø med moglegheit for kompetanseheving – og utvikling</li><li>Høve for trening i arbeidstida</li></ul> Stillinga som stipendiat vert lønna i stillingskode 1017 - Stipendiat. Vidare opprykk skjer etter tenesteansiennitet i stillinga.Frå lønna vert det trekt 2 % innskudd til Statens pensjonskasse. Den som vert tilsett, må rette seg etter dei retningslinjer som til ein kvar tid gjeld for stilling. <h2>Generell informasjon:</h2>Vi gjer merksam på at unntak frå den offentlege søkjarlista vert handsama etter reglane i Offentleglova. Søkjarar som har bede om slikt unntak, vert varsla dersom ønskje ikkje vert teke til følgje. Den statlege arbeidsstyrken skal i størst mogleg grad spegle mangfaldet i befolkninga. Det er difor eit personalpolitisk mål å oppnå ein balansert alders- og kjønnssamansetning, rekruttere personar med minoritetsbakgrunn, personar med nedsett funksjonsevne og hol i CV.Høgskulen på Vestlandet er underlagt eksportkontrollforskriften. Forskriften kan komme til anvending i behandlingen av søknadane. <h2>Kontaktpersonar ved Høgskulen på Vestlandet:</h2>1) Forskningskoordinator: Eirik S. Jenssen, 57 67 60 16 2) Prodekan for forsking: Vegard Fusche Moe, 57 67 60 37

Stipendiat innan rekruttering av studentar til lærarutdanningane