Høgskulen På Vestlandet

Sogndal

Espen Fosse

Avdelingsleiar

Juni Rugland

Einingsleiar

<h2>Høgskulen på Vestlandet, har ledig fast stilling i 100 % som seniorkonsulent/rådgjevar - studentopptak, ved campus Sogndal</h2><p>Høgskulen på Vestlandet (HVL) har ledig ei fast stilling i 100% som seniorkonsulent/rådgjevar knytt til arbeid med studentopptak. Stillinga høyrer til Avdeling for studieadministrasjon som har om lag 60 tilsette fordelt på alle dei fem studiestadane til HVL. </p><p>Stillinga har arbeidsstad ved campus Sogndal.</p><br /><h2>Ansvars- og arbeidsoppgåver:</h2><ul><li>Førebu og gjennomføre opptak av studentar til studiepoenggjevande studietilbod </li><li>Sakshandsaming og rettleiing knytt til studentopptak</li><li>Samarbeid med fakulteta og andre einingar i fellesadministrasjonen</li><li>Andre studieadministrative oppgåver</li></ul><p>Endring i arbeidsoppgåver må påreknast.</p><br /><h2>Kvalifikasjonskrav:</h2><p>Formell utdanning og kompetanse:</p><ul><li>Bachelorgrad eller spesialistutdanning tilpassa dei oppgåvene som skal utførast. Realkompetanse med relevans for arbeidsområdet kan kompensere for utdanningskravet</li><li>Erfaring frå arbeid med studentopptak vil vere ein fordel</li><li>Erfaring med sakshandsaming i offentleg sektor, særleg frå universitet- og høgskulesektoren, vil vere ein fordel</li><li>Gode språkkunnskapar skriftleg og munnleg i norsk og engelsk</li></ul><p>Personlege eigenskapar:</p><ul><li>Positiv og imøtekommande</li><li>Analytisk, initiativrik og med god gjennomføringsevne</li><li>Evne til å tilpasse seg endringar og ny teknologi</li><li>Vil bidra til det faglege og sosiale fellesskapet</li></ul><br /><h2>Vi tilbyr:</h2><ul><li>Gode pensjons-, forsikrings-, og låneordningar i Statens pensjonskasse</li><li>Spennande fagmiljø med moglegheit for kompetanseheving - og utvikling</li><li>Høve for trening i arbeidstida</li></ul> <p>Stillinga som seniorkonsulent/rådgjevar er løna etter Statens lønsregulativ, i stillingskode 1363/1434 - seniorkonsulent/rådgjevar.</p><p>Frå løna vil det bli trekt 2 % innskot til Statens pensjonskasse.</p><br /><h2>Korleis søke på stillinga?</h2><p>Send søknad og CV ved å klikke på knappen merka ”Søk stilling” på denne sida.</p><p>Det er søkjar sitt ansvar å sørgje for at alle relevante vedlegg er lagt inn innan fristen, som attester og vitnemål. Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv laste opp attesterte omsetjingar. Dersom vedlegga overskrid 50 MB må dei komprimerast før opplasting eller leggjast ved som lenkje.</p><p>Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad.  <a href="https://hkdir.no/utdanning-fra-utlandet/jeg-har-utdanning-fra-utlandet/sok-godkjenning-av-hoyere-utdanning-bachelor-master-ph-d" rel="nofollow">Sjå www.hkdir.no for meir informasjon om vurdering av høgare utdanning. </a></p><p>HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vera tilstrekkeleg å leggje ved dokumentasjon på dette. <a href="https://hkdir.no/utdanning-fra-utlandet/jeg-har-utdanning-fra-utlandet/sok-godkjenning-av-hoyere-utdanning-bachelor-master-ph-d/automatisk-godkjenning-et-raskere-alternativ" rel="nofollow">Du kan lese meir om ordninga med automatisk godkjenning her.</a></p><p>Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga.  Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din. </p><p>Søknadar kan ikkje sendast på e-post til enkeltpersonar ved høgskulen.</p><br /><h2>Generell informasjon:</h2><p>Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje.</p><p>Den statlege arbeidsstyrken skal i størst mogleg grad spegle mangfaldet i befolkninga. Det er derfor eit personalpolitisk mål å oppnå ei balansert alders- og kjønnssamansetjing og rekruttere personar med minoritetsbakgrunn, nedsett funksjonsevne og hol i CV.</p><p>Arbeids- og opphaldsløyve i Norge er ein føresetnad for å tiltre stillinga. </p><p>Høgskulen på Vestlandet er underlagt forskrift for eksportkontrollsystem. Forskrifta kan komme til bruk i handsaming av søknadane.</p><p>Vi tek atterhald om at stillinga si plassering i organisasjonen kan bli endra som følgje av ev. justeringar i HVL si interne organisering.</p><br /><h2>Inkludere, utfordre og samhandle</h2><p><a href="https://www.hvl.no/" rel="nofollow">Les meir på våre heimesider.</a></p><br />

Seniorkonsulent/rådgjevar - studentopptak