Hardanger Og Voss Næringshage

Voss

Vil du vera med og forma framtida for utdanning og kompetanse i Hardanger, Voss og Kvinnherad?
HVK Studiesenter er resultat av eit samarbeidsprosjekt mellom Hardanger og Voss Næringshage, Næringshagen i Ullensvang og Kvinnherad Næringsservice som starta i 2021. Som eitt av totalt fire Studiesenter i Vestland, dekkjer HVK Studiesenter kommunane Eidfjord, Kvam, Kvinnherad, Ullensvang, Ulvik og Voss.
HVK Studiesenter arbeider for å styrkje tilgangen til høgare utdanning og livslang læring i regionen vår. Me samarbeider tett med kommunar, næringsliv og utdanningsinstitusjonar for å utvikla tilbod som møter behova i lokalsamfunnet. No søkjer me ein engasjert og sjølvstendig prosjektleiar som vil spela ei sentral rolle i dette arbeidet.
Arbeidsoppgåver
Som prosjektleiar vil du ha ansvar for å:
<ul><li>
Bidra til å dekkja framtidas kompetansebehov i regionen ved å utvikla nye og relevante utdanningstilbod
</li><li>
Legge til rette og gjennomføra pågåande utdanningsprogram
</li><li>
Samarbeida med kommunar, næringsliv og utdanningsaktørar om nye utdanningstilbod og tiltak
</li><li>
Sikra god framdrift og rapportering i prosjektporteføljen
</li><li>
Vidareutvikla HVK Studiesenter
</li><li>
Søkja prosjektmidlar og arbeida med finansiering av tiltak
</li><li>
Vera ein synleg ambassadør for HVK Studiesenter i relevante nettverk og møteplassar
</li></ul>
Om kandidaten
<ul><li>
Høgare utdanning innan relevant fagområde (til dømes pedagogikk, samfunnsfag, leiing eller liknande)
</li><li>
Erfaring med prosjektleiing, gjerne innan utdanning, offentleg sektor eller utviklingsarbeid
</li><li>
Gode samarbeidsevner og evne til å byggje relasjonar
</li><li>
Strukturert, sjølvstendig og resultatorientert
</li><li>
Gode kommunikasjonsevner, både munnleg og skriftleg på nynorsk og bokmål
</li></ul>
Me tilbyr
<ul><li>
Ei spanande stilling med høve til å påverka samfunnsutviklinga i Hardanger og Voss
</li><li>
Varierte arbeidsoppgåver i eit fagleg sterkt og engasjert miljø
</li><li>
Gode moglegheiter for fagleg og personleg utvikling
</li><li>
Fleksibel arbeidstid og moglegheit for delvis heimekontor
</li><li>
Kontorstad i ein av kommunane i Hardanger eller Voss-regionen
</li></ul>

Hardanger og Voss Næringshage søkjer prosjektleiar til HVK Studiesenter