Gulen Kommune

Byrknesøy

Bjarte Undertun

Vikar einingsleiar Byrknes barnehage og skule 

<h2>Om stillinga </h2><p>Gulen kommune, for tida ved Byrknes barnehage og skule, har frå nytt skuleår ledig 100% fast stilling som lærar frå 01.08.2025, samt eit 100% vikariat frå 01.08.2025 - 31.07.2026. </p><p>Byrknes barnehage og skule består av 1-10- skule og barnehageavdeling. Det er pr. no 45 elevar ved skulen. Klikk deg inn via Gulen kommune si heimeside for meir informasjon om skulen. Ved Byrknes barnehage og skule er det læring og trivsel som står i høgsetet. Eininga er oppteken av å ha eit trygt og godt skulemiljø, kor gode relasjonar mellom elevar og vaksne er avgjernade for ein god skulekvardag.</p><br /><h2>Arbeidsoppgåver/kompetanse </h2><p>Byrknes barnehage og skule er ein av fire skular i Gulen kommune. Skulane er relativt små 1-10- skular, kor dei ulike klassetrinna vekslar på å ha undervising åleine og saman med andre klassetrinn. For å få dekka all undervising ved skulane, er vi avhengig av at dei faste lærarane har undervisingskompetanse i fleire fag. Ved tilsetjing vil vi vurdere kompetansen hjå søkjarane knytt opp mot den samla kompetansen og behovet i eininga. Vi søkjer derfor etter lærarar som har breid undervisingskompetanse. Alle fag kan vere aktuelle, men me treng mellom anna lærarar som har undervisingskompetanse i matematikk og naturfag. Både grunnskulelærarar for 1-7 og 5-10 kan vere aktuelt. Funksjon som kontaktlærar kan vere aktuelt. Gode norskkunnskapar, både munnleg og skriftleg er naudsynt.</p><br /><h2>Personlege eigenskapar </h2><ul><li>Er fagleg bevisst og godt førebudd til undervisning</li><li>Har gode kommunikasjonsevner, samhandlar godt med elevane og er ein tydeleg klasseleiar</li><li>Samarbeider aktivt i det profesjonsfaglege fellesskapet om utviklinga av læringmiljø og læringsutbytte</li><li>Gode IKT- kunnskapar</li><li>Å vere personleg eigna kan verte vektlagt ved tilsetjing</li></ul><br /><h2>Anna </h2><ul><li>Tenestespråket i Gulen kommune er nynorsk</li><li>Tilsetjing etter gjeldande lover, føresegner og avtalar</li><li>For tilsetjing innan pleie og omsorg, Miljøtenesta, i skule og i barnehage, vert det stilt krav om politiattest</li><li>Vi gjer merksam på at søkjarlister med namn, kjønn, alder og noverande stilling er offentleg informasjon. Dersom søkjarar likevel ber om konfidensiell handsaming, og grunnen for å unnta offentleggjering ikkje vert godkjent, får søkjaren høve til å trekke søknaden sin før offentleggjering</li><li>Løn etter tariff</li></ul><br />

Lærarstillingar skuleåret 25/26