Gulen Kommune

Byrknesøy

Halvor Elde

Kommunalsjef oppvekst og kultur 

<h2>Om stillinga </h2><p><strong>Gulen kommune har ledig 100% fast stilling som einingsleiar (rektor/styrar), for tida ved Byrknes barnehage og skule, frå 01.08.2025.</strong></p><p>Me søkjer etter ein einingsleiar som kan leie eininga sitt utviklingsarbeid vidare og som kan vere ei drivkraft i høve barna og elevane si faglege meistring, samt skape eit trygt og godt skule- og barnehagemiljø.</p><p>Ta kontakt med kommunalsjef oppvekst og kultur (kontaktperson i annonsen), om du har spørsmål til stillinga! </p><br /><h2>Byrknes barnehage og skule </h2><p>Byrknes barnehage og skule er eitt av fire oppvekstsenter i Gulen kommune, og er ei samla eining med barnehage, skule og SFO. Eininga er lokalisert på Byrknes i Gulen. Skule og barnehage har gode lokaler med god plass til elevar og barnehagebarn, og gode kontorløysingar til dei tilsette. Me har eit stort uteareal, og nyttar nærmiljøet i vårt pedagogiske arbeid. Me er ein fådelt skule 1-10. Skulen har 45 elevar og det er 18 barn i barnehagen pr. no. Barnehagen har to avdelingar. Ved Byrknes barnehage og skule er det læring og trivsel som står i høgsetet. Eininga er oppteken av å ha eit trygt og godt skulemiljø, kor gode relasjonar mellom elevar og vaksne er avgjernade for ein god skulekvardag.</p><p>Klikk deg inn på linkane om du vil vite meir om eininga, avdeling <a href="https://www.gulen.kommune.no/artikkel/byrkenes-skule-" rel="nofollow">skule</a> og avdeling <a href="https://www.gulen.kommune.no/artikkel/byrknes-barnehage" rel="nofollow">barnehage</a>. </p><p>Det er eit ynskje frå kommunen at leiarteamet samla har både barnehagefagleg og skulefagleg bakgrunn. Dei seks einingsleiarane i Oppvekst- og kultursektoren og kommunalsjef oppvekst og kultur samarbeidar tett om kvalitet og utvikling.</p><br /><h2>Arbeidsoppgåver </h2><ul><li>Leie og motivere til fagleg utviklingsarbeid</li><li>Utøve god personal- og økonomileiing</li><li>Syte for at eininga vert driven i samsvar med lov, føresegner og lokale politiske og administrative føringar</li><li>Informasjon og rettleiing</li><li>Delta i dagleg drift</li><li>Andre oppgåver som måtte kome til</li></ul><br /><h2>    Me tilbyr                                          Sletting av studielån </h2><ul><li>Ein spanande, meiningsfull og variert arbeidskvardag </li><li>Løn etter avtale </li><li>Gode forsikrings- og pensjonsordningar </li></ul> <p>Bur du i Gulen kommune og er i jobb kan du få sletta 25 000kr av studielånet ditt (oppteninga startar 01.01.2025, som gir gjeldssletting tidlegast 01.01.2026). Du kan få sletta lån kvart år til det er nedbetalt. Alle yrkesaktive som bur i ein av dei 189 kommunane på SSBs sentralitetsnivå 5 og 6 frå 01.01.2025, eller flyttar hit når som helst etter denne datoen, vil etter eitt år kunne få sletta 25 000kr i året. Tiltaket gjeld alle typar utdanningsgjeld, uavhengig av når den er teken opp (kjelde,<a href="http://www.regjeringa.no/" rel="nofollow">www.regjeringa.no</a>). </p><br /><h2>Kvalifikasjonar </h2><ul><li>Krav om pedagogisk utdanning </li><li>Det er ynskjeleg at søkjar har leiarutdanning </li><li>Det er ynskjeleg med erfaring innan praktisk arbeid- og/eller leiing i barnehage eller skule</li><li>Krav om god munnleg og skriftleg famstillingsevne</li><li>Krav om førarkort kl B og disponering av bil</li><li>Gyldig politiattest</li></ul><br /><h2>Personlege eigenskapar </h2><ul><li>Byrknes barnehage og skule ynskjer ein einingsleiar som har gode evner til samarbeid, tar vare på dei gode tradisjonane ved eininga og er oppteken av utviklingsarbeid. Leiaren må vere fleksibel, sjå kvar enkelt, vere tydeleg, ta avgjersler og vise retning.</li><li>Å vere personleg eigna kan verte vektlagt ved tilsetjing</li></ul><br /><h2>Anna </h2><ul><li>Tenestespråket i Gulen kommune er nynorsk</li><li>Tilsetjing etter gjeldande lover, føresegner og avtalar</li><li>For tilsetjing innan pleie og omsorg, Miljøtenesta, i skule og i barnehage, vert det stilt krav om politiattest</li><li>Me gjer merksam på at søkjarlister med namn, kjønn, alder og noverande stilling er offentleg informasjon. Dersom søkjarar likevel ber om konfidensiell handsaming, og grunnen for å unnta offentleggjering ikkje vert godkjent, får søkjen høve til å trekke søknaden sin før offentleggjering.</li></ul><br />

Einingsleiar (rektor/styrar), 100% fast stilling