Fjordbruk Service

Rossland

Salar Bruk AS ligg nordvest i Alver kommune, nede ved sjøen heilt aust i Rosslandspollen og i enden av Rylandsvassdraget.
Alver er nabokommune til Bergen, med reisetid frå Bergen sentrum til kommunesenteret Frekhaug på under ein halv time. Kommunen er landfast via Nordhordlandsbrua og er såleis det geografiske bindeleddet mellom Bergen og Nordhordland.
Salar Bruk har pt løyve til å produsera 11,5 millionar sjødyktig settefisk.
Bruket har gjennomgått ei omfattande modernisering, og framstår i dag som eit moderne settefiskanlegg, med ein kapasitet på 11,5 mill smolt. Anlegget er lokalisert på Rossland i Alver kommune, om lag 20 min frå Knarvik, og er 12 motiverte tilsette som no søkjer ny medarbeidar.
Me er på jakt etter deg som er like framoverlent som oss, og som ynskjer å bli med på laget i å produsere sunn og god mat til kundar over heile verda.
Di interesse for akvakultur gjer at du ynskjer deg jobb i havbruksnæringa. Du er ansvarsbevisst, engasjert og ein bidragsytar i arbeidsmiljøet.
Ein driftsoperatør sine daglege arbeidsoppgåver er mellom anna:
<ul><li>
Røkting av yngel og smolt, vasking av kar, levering og mottak av fisk, varemottak, etc.
</li><li>
Utføre dagleg journalføring, vannmålingar etc.
</li><li>
Drift og vedlikehald av utstyr og anlegg
</li><li>
Produksjons- og kvalitetsoppfylging
</li></ul>
Ynskjelege kvalifikasjonar:
<ul><li>
Relevant utdanning og /eller erfaring innan akvakultur (men ikkje eit krav)
</li><li>
Er sjølvstendig og fleksibel, med evne til å stå på når det trengs
</li><li>
Har teknisk innsikt og evnar å setje seg inn i tekniske løysingar
</li></ul>
På jobb på Salar Bruk AS vil du arbeida i eit av dei leiande norske oppdrettskonserna i Noreg, eit spanande miljø der fokus er å gjera det me er best på, nemleg produsera laks.
Våre dedikerte medarbeidarar spelar ei særs viktig rolle for å gje settefisken vår dei aller beste vekstvilkåra, og er alltid framoverlent for å yte maks for best mogleg produksjon. 
Me kan tilby deg naudsynt opplæring, kjekke kollegaer, og varierte arbeidsdagar
Me oppmodar personar med lokal tilknyting om å søkja.
Driftsoperatør må pårekna å delta i alarm- og helgevaktordning på anlegget, med fleksibel avspaseringsordning.
Løn og tiltreding etter avtale.
Søknadsfrist snarast og innan 13. juni 2025

Salar Bruk AS søkjer driftsoperatør