Digitaliserings- Og Forvaltningsdepartementet (dfd)

Oslo

Aleksander Åsheim

Ekspedisjonssjef 

Per Eigil Schwab

Avdelingsdirektør

<h2>Om stillinga</h2>Departementa er i endring. Oppgåveløysinga har vorte meir kompleks, og behovet for å arbeide meir heilskapleg med utfordringar som rører fleire departement, har vorte større. I avdelinga for departementa sine fellesfunksjonar arbeider vi for at departementsfellesskapet fungerer på ein god og effektiv måte. Du blir i denne stillinga ein sentral person i gjennomføringa og utviklinga av departementsfellesskapet sine fellesfunksjonar.Seksjonen for budsjett, etatsstyring og tryggleik har ei nøkkelrolle i den strategiske og langsiktige styringa av departementa sine fellestenester og -funksjonar. Vi står framfor ei spennande tid med ny strategi for departementsfellesskapet og utvikling av fleire felles administrative tenester for departementa. Derfor ser vi etter deg som vil bidra i dette arbeidet, ved å arbeide med vidareutvikling av etatsstyring og budsjettarbeid.  <h2>Arbeidsoppgåver</h2>Hovudoppgåvene i denne stillinga vil vere å delta i arbeidet med å<ul><li>vidareutvikle etatsstyringa av våre underliggande verksemder DSS og DIO. Dette omfattar òg overordna styring og oppfølging av fellestenester/-funksjonar for departementsfellesskapet, inkludert digitale tenester, HR-tenester, informasjonsforvaltning, servicetenester og tryggleik.</li><li>vidareutvikle og følgje opp arbeidet med statsbudsjettet innan avdelinga sine fagområde</li><li>arbeide med avdelinga sitt internbudsjett og økonomi</li><li>arbeide med prosjektoppfølging og -styring</li></ul> <h2>Vi søkjer deg som har</h2>Du må ha<ul><li>mastergrad eller tilsvarande</li><li>erfaring med etatsstyring og/eller statleg budsjettarbeid</li><li>god rolleforståing, kjennskap til offentleg forvaltning og forståing for politiske prosessar</li><li>god skriftleg og munnleg framstillingsevne på norsk</li></ul>For stillingskoden rådgjevar er det som hovudregel krav om minimum 3 års relevant erfaring.  For stillingskoden seniorrådgjevar er det som hovudregel krav om minimum 5 års relevant erfaring.Personlege eigenskapar For å trivast og lukkast i denne stillinga, ser vi for oss at du har<ul><li>gode samarbeids- og kommunikasjonsevner, også ved meiningsutvekslingar</li><li>eit strategisk blikk, samt evne til å handtere oppgåver med korte fristar</li><li>god gjennomføringsevne, sjølvstende og evne til å sørge for framdrift</li><li>analytiske evner, med eit heilskapleg blikk og interesse for å sjå ulike perspektiv</li></ul>Det vil bli lagde stor vekt på personleg egnethet. Utdanning og erfaring skal dokumenterast med CV, vitnemål og attestar.  <h2>Vi tilbyr </h2><ul><li>eit arbeidsfellesskap med dyktige kollegaer som er stolte av jobben sin</li><li>ein spennande jobb i eit sterk fagmiljø</li><li>gode utviklingsmoglegheiter</li><li>lokala våre ligg sentralt i Oslo med kort veg til offentleg transport</li><li>gode forsikrings- og pensjonsordningar, med automatisk medlemskap i Statens pensjonskasse</li><li>fleksibel arbeidstid</li><li>sosiale, kulturelle og sportslege aktivitetar</li></ul>Løn: Stilling blir lønt som tittel frå kr 630.000-880.000 per år. Stillingstittel og lønnsplassering avheng av erfaring og kvalifikasjonar. For særleg kvalifiserte søkjarar kan noko høgare løn vurderast.Tryggingsklarering: Tilsetjing skjer under føresetnad at søkjar blir tryggleiksklarert på nivå HEMMELEG. Les meir om tryggingsklarering på nettsidene til <a href="https://nsm.no/fagomrader/personellsikkerhet/" rel="nofollow">Nasjonalt tryggingsorgan</a>. <h2>Vi er opptekne av</h2>Mangfold er ein styrke og gjer at vi kan løysa oppgåvene våre endå betre. Derfor ønskjer vi oss medarbeidarar med ulike kompetansar, fagkombinasjonar, livserfaringar og perspektiv. Har du funksjonsnedsetjing, hol i CV-en eller innvandrarbakgrunn, oppmodar vi deg som søkjar til å kryssa av i jobbsøkjarportalen. Er det kvalifiserte søkjarar, kallar vi inn minst éin i kvar gruppe til intervju, og får du jobben, legg vi til rette for deg om du treng det. Avkryssingane i jobbsøkjarportalen blir ikkje brukt til noko anna enn anonymisert statistikk som statlege verksemder rapporterer i årsrapportane sine. <h2>Informasjon til deg som søkjer </h2>Vi er opptekne av kva du kan, erfaringane dine og kompetansen du har, og vil derfor stille deg nokre faglege spørsmål, framfor å be deg skrive ein søknadstekst. Når du trykker på &#34;Søk stillinga&#34;, kjem du til rekrutteringsportalen og må logge inn. I portalen er det viktig at du: <ul><li>Svarar på spørsmåla du får innleiingsvis. Spørsmåla erstattar søknadsbrev/tekst. </li><li>Fyller ut CV-felta i portalen (sjølv om du legg ved ein ferdigutfylt CV). Dette er nødvendig for bl.a. å vareta kravet om fullstendige søkjarlister. </li></ul>DFD nyttar bakgrunnssjekk frå Semac i nokre av rekrutteringsprosessane våre. Bakgrunnssjekk blir utført etter samtykke, og inneber bla at vi verifiserer CV og annan søknadsdokumentasjon i samband med tilsetjinga.Vi gjer merksam på at opplysninga om at du er søkjar kan bli offentleggjort sjølv om du har bede om ikkje å bli ført opp på søkjarlista, jf. offentleglova § 25. Du vil bli informert før offentleggjeringa og få moglegheit til å trekkja søknaden.Kontaktperson: For nærare opplysningar om stillinga kontakt avdelingsdirektør Per Eigil Schwab på tlf. 90 78 15 47 eller e-post per-eigil.schwab&#64;dfd.dep.no. For spørsmål om rekrutteringsprosessen, kan du ta kontakt med rådgjevar i DSS Tale Fredriksen på tlf. 90 84 37 73 eller e-post tale.fredriksen&#64;dss.dep.no.

Rådgjevar/seniorrådgjevar – etatsstyring og budsjett