Brønnøysundregistrene

Brønnøysund

Tore Tveråmo

underdirektør 

<h2>Om stillinga</h2><p>Vi bygger og forvaltar register av stor nasjonal betydning. Det skal vi fortsette å gjere, og som testutviklar får du ei viktig rolle for å sikre hyppige leveransar med god kvalitet.</p><p>Du er ein av fem testutviklarar som, saman med utviklingsteama våre og andre utviklarar, skal lage effektive løysingar for testautomatisering.</p><p>Det er fint om du har erfaring, men det er ikkje eit krav. Vi vil gjerne at nyutdanna også søker.</p><br /><h2>Arbeidsoppgåver</h2><ul><li>utvikle, vedlikehalde, køyre og analysere automatiserte testar (både funksjonelle og ikkje-funksjonelle) i tett samarbeid med systemutviklarane</li><li>effektivisere testprosessar og bruk av verktøy for testautomatisering</li><li>støtte utviklingsteamet innan testautomasjon- og hyppige leveransar</li><li>sørge for at test inngår som ein del av CI/CD-pipelinen vår</li></ul><br /><h2>Kvalifikasjonar</h2><p>Du må ha</p><ul><li>ha 3-5 års høgare relevant utdanning, fortrinnsvis innan IT/informatikk. Relevant praksis kan kompensere for delar av utdanningskravet</li><li>beherske norsk og ha god skriftleg og munnleg framstillingsevne</li></ul><p>Det er fint om du også har</p><ul><li>erfaring med programmeringsspråk som Java/JavaScript/Python</li><li>kjennskap til ulike testrammeverk og verktøy, som for eksempel Playwright, Gatling og Cucumber</li><li>erfaring med bruk av KI innan testautomatisering</li><li>erfaring frå agile utviklingsmetodar, tverrfaglege utviklingsteam og svært gjerne erfaring som systemutviklar</li><li> ISTQB-sertifiseringar</li></ul><br /><h2>Personlege eigenskapar</h2><ul><li>du er kvalitetsbevisst</li><li>du er ansvarsbevisst og jobbar sjølvstendig</li><li>du kan inspirere andre og har gode samarbeidsevner</li><li>du jobbar godt i team</li><li>du er strukturert, analytisk og har lett for å sette deg inn i nye problemstillingar</li><li>du er ein pådrivar og får jobben gjort</li></ul><p>Du må kunne bli autorisert for AVGRENSA etter sikkerheitslova. Er du utanlandsk statsborgar, skal autorisasjonsansvarleg hos oss vurdere om tilknytinga di til heimlandet og heimlandet si sikkerheitsmessige betydning utgjer ein risiko knytt til stillinga. I nokre tilfelle må det bli henta inn samtykke frå Sivil klareringsmyndigheit.</p><br /><h2>Dette får du hos oss</h2><ul><li>fast stilling som  rådgiver med årsløn frå kr 570 000 - 720 000, eller som seniorrådgiver med årslønn fra kr 700 000 - 900 000 avhengig av kvalifikasjonane dine. Om du er spesielt godt kvalifisert, kan vi vurdere høgare løn.  </li><li>interessante og utfordrande oppgåver innan digitalisering og forenkling av Noreg</li><li>eit godt arbeidsmiljø med uformell tone hvor me alle er på hels</li><li>gode moglegheiter for fagleg utvikling og ei raus stipendordning </li><li>fleksibel arbeidstid med god balanse mellom arbeidsliv og privatliv</li><li>gode velferdsordningar i alle livsfasar og moglegheit for trening i arbeidstida </li><li>moglegheit for heimekontor inntil to dagar i veka når arbeidsoppgåvene tilseier at det let seg gjera </li><li>medlemskap i <a href="https://www.spk.no/" rel="nofollow">Statens pensjonskasse</a> som har ei av landet sine beste pensjonsordningar, med gunstig bustadlån og gode forsikringsordningar</li><li>moderne kontorlokale med fantastisk utsikt over Helgelandskysten. Sjå den flotte arbeidsplass og byen vi bor i på <a href="https://www.havnegata48.no/" rel="nofollow">Havnegata 48</a></li></ul><p>Vi kan hjelpe til med å skaffe bustad, og flyttekostnadar kan bli dekte etter nærmare avtale. Ved flytting til Brønnøysund kan husleige bli dekt med inntil 10 000 kroner dei første 6 månadane etter oppstart av arbeidsforholdet. Dette er skattepliktig inntekt. </p><p>Vi har eit rekrutteringssamarbeid med Brønnøy kommune og Digitaliseringsdirektoratet. Har du ein partnar som har behov for jobb kan vi formidle kontakt med desse.</p><br /><h2>Inkludering og mangfald er viktig for oss</h2><p>Vi ønsker å vere ein inkluderande arbeidsplass, der vi speglar mangfaldet i befolkninga. Vi treng medarbeidarar med ulik erfaring, bakgrunn, kompetanse og kvalifikasjonar for å løyse samfunnsoppdraget vårt. Har du hol i CV-en , nedsett funksjonsevne eller innvandrarbakgrunn oppfordrar vi deg til å krysse av for det når du søker stilling hos oss. Vi kallar inn minst ein kvalifisert søkar frå kvar av desse gruppene til intervju.</p><br /><h2>Bu i Brønnøysund</h2><p>Brønnøysund er ein triveleg liten kystby sør på Helgeland. Vi har korte avstandar til det meste og masse vêr – uansett årstid! Er du glad i naturopplevingar har vi eit utal moglegheiter. Moglegheitene er mange også for deg som heller føretrekk ein tur på kafe eller restaurant, er opptatt av kultur eller ulike treningsmoglegheiter innandørs.</p><p>Har du studielån og bur i Brønnøy kommune, kan du få nedskrive lånet kvart år til det er nedbetalt.</p><br /><h2>Korleis er det å jobbe hos oss sånn eigentleg?</h2><p>Vi vil du skal føle deg trygg på valet når du takkar ja til å jobbe hos oss. Dersom du er aktuell for stillinga, tilbyr vi deg ein omvend referansesjekk. Det betyr at du får ringe nokre av våre medarbeidarar og stille dei spørsmåla du måtte ønske for å finne betre ut om vi er ein god match.</p><br /><h2>Verd å merke seg før du søker</h2><p>Når du søker jobb hos oss, vil namnet ditt stå på ei offentleg søkarliste. Ønsker du å bli unntatt frå den offentlege søkarlista, må du grunngi kvifor. Vi tar kontakt med deg dersom vi ikkje tar ønsket ditt til følgje, og du får moglegheit til å trekke søknaden din. </p> <p>For å bli vurdert som søkar, må du legge ved relevante attestar og vitnemål. Vitnemål frå utdanning tatt i Noreg lastar du opp frå Vitnemålsportalen. Har du utdanning frå utlandet legg du ved godkjenning frå <a href="https://hkdir.no/utdanning-fra-utlandet" rel="nofollow">Direktoratet for høgare utdanning og kompetanse/NOKUT</a>. </p><br />

Testutviklar