Aurland Kommune

Aurland

Essi Mäki

Kommunalleiar helse og omsorg

<h2>Om stillinga</h2><p>Me har ledig fast 100% stilling som stabsleiar helse og omsorg, frå mai 2025.</p><p>Stabsleiar har operativt leiaransvar for stort fagleg spenn med ansvar for dagleg drift av avdelinga. Stillinga inneber økonomi- og personalansvar, samt ansvar for fagområda; legetenester,  fagutviklingssjukepleiar, vaktmeister, ergo- og fysioterapi, kreftkoordinator, rus- og psykiatriteneste, folkehelsekoordinator og forvaltning og tildeling, samt koordinerende eining. Oppfølging av interkommunalt samarbeid og avtalar inngår i stillinga.</p><p>Kommunalområdet har eit svært viktig samfunnsoppdrag, og står ovanfor store oppgåver innan forbetring og utvikling av tenestene. </p><p>Stabsleiar er ein del av leiargruppa i kommunalområde helse og omsorg, og er kommunaleiaren sin avløysar. Det er tett samarbeid med dei andre leiarane for utvikling av tenestene, samt til  kontinuerleg forbetring- og strategiarbeid. I tillegg til stab / fagområde er det tre avdelingar i kommunalområde helse og omsorg;  institusjonstenester, heimetenester og bu og miljø. </p><p>Me søkjer etter deg som har vilje, og evne, til å tenke heilskapleg og langsiktig. Du må vere opptatt av samhandling og tillit i organisasjonen. Du må vere stødig i rolla di som leiar, like å leia og bidra til at tilsette opplever meistring, motivasjon og sjølvstende i arbeidet.</p><br /><h2>Arbeids- og ansvarsområde</h2><ul><li>vere operativ leiar med ansvar for dagleg drift av avdelinga med fokus på kvalitet, berekraft og god oppgåvefordeling</li><li>ha ansvar for personell, budsjett, resultat- og økonomistyring</li><li>vere strategisk leiar, utarbeide og gjennnomføra planar som sikrar heilskapleg utvikling og koordinering av tenester i helse og omsorg, i tett samarbeid med kommunalleiar, og i tråd med kommunale og nasjonale føringar</li><li>fagutvikling i samarbeid med tilsette i staben</li><li>systematisk internkontroll arbeid, HMT,  kvalitetsforbetring og vidareutvikling av forbetringskultur</li><li>prosjektleiing og oppfølging</li><li>vere ein pådrivar for god forvaltningspraksis ved tildeling av helse- og omsorgstenester</li><li>utarbeide og fylge opp saker til politisk handsaming</li></ul><br /><h2>Me tilbyr </h2><ul><li>ei utfordrande stilling med moglegheit for utvikling og fagleg påverknad </li><li>bli ein del av ein triveleg arbeidsplass der arbeidsmiljø står i sentrum </li><li>gode pensjons- og forsikringsordningar </li><li>løn etter avtale</li><li>gratis inngang til treningsrom i Aurlandshallen </li><li>gratis inngang til symjehallen</li><li>å formidle kontakt med utleigar av ledige husvære </li><li>eventuell informasjon om ledige stillingar til partar, samt moglegheit for utlån av kontorfasilitetar (kontorhub)</li></ul><p> </p><p>Treng du barnehageplass, er frist for å søke plass for komande barnehageår 15.03.25.</p><p>Sjå gjerne informasjonsbrosjyre om kommunen vår <a href="https://www.visbrosjyre.no/Aurland_kommune/WebView/" rel="nofollow">her.</a></p>. Video: https://www.youtube.com/watch?v&#61;aFXLAnqaUbI<br /><h2>Kvalifikasjonar</h2><ul><li>fortrinnsvis relevant utdanning på masternivå, men treårig utdanning på bachelornivå frå universitet eller høgsskule kan også søka</li><li>vidareutdanning innan leiing, kan fråvikast om du har leiarerfaring og er villig til å ta leiarutdanning</li><li>det er ein føremon at du har kommunal leiarerfaring eller frå sjukehus og prosjektleiing</li><li>kunnskap og forståing for lovverk for helse- og omsorgstenester, kjennskap til offentleg forvaltning for å aktivt kunne bidra inn i arbeidet og rettleie medarbeidarane</li><li>erfaring frå, og er god på, økonomistyring</li><li>gode digitale ferdigheiter </li></ul><br /><h2>Personlege eigenskapar</h2><p>Me vil at du:</p><ul><li>er tydeleg, handlekraftig, set mål og fylgjer opp resultat</li><li>har evne til å stå i krevjande situasjonar</li><li>er serviceinnstilt, strukturert og resultatorientert</li><li>er ein leiar som gir medarbeidarane ansvar / vil ta ansvar</li><li>er god til å kommunisere og formidle mål, forventningar og retningslinjer på ein klar og tydeleg måte</li><li>har evne til å finne løysningar og tek initiativ</li><li>har evne til å fremje utvikling og skape ein kultur for kontinuerleg forbetring </li><li>har god gjennomføringsevne, er ein god problemløysar som jobbar godt under press</li></ul><p><strong>Våre verdiar er:</strong>  L-Æ-R, som står for Likeverd, Ærlegdom og Respekt.  </p><br /><h2>Løns- og tilsetjingsvilkår</h2><ul><li>tilsetting, løn og arbeidsvilkår er i samsvar med gjeldande lover, reglement og tariffavtale.</li><li>politiattest etter helse og omsorgstenestelova  må leverast før du byrjar i stillinga</li></ul><br /><h2>Krav til språk</h2><p>Aurland kommune nyttar nynorsk som målform.</p><p>Du bør:</p><ul><li>kommunisere godt på norsk, både munnleg og skriftleg</li><li>ha god framstillingsevne </li></ul><br /><h2>Generell informasjon </h2><p>Aurland kommune praktiserer meiroffentlegheit og kunngjer forenkla søkarlister til ledige stillingar. Søkarar, som har oppmoda om at namnet blir unnateke søkarlista, må krysse av for dette og grunngje valet i søknadsteksten. Me tek kontakt med søkarar som har bedt om dette, dersom me meinar at grunngjevinga ikkje er tilstrekkeleg. </p><p>Mangfald kan gje oss eit breiare perspektiv. Medarbeidarar med ulik livserfaring og fagkombinasjonar kan gjere oss i stand til å finne gode løysingar i kommunen vår. Me oppfordrar derfor alle til å søke jobb utan omsyn til alder, kjønn, funksjonsevne eller etnisk bakgrunn. Du er også velkomen til å søke sjølv om du ikkje kan syne til ei samanhengende yrkeskarriere. </p><p>Me ynskjer deg velkomen som arbeidssøkar i Aurland kommune.</p><br />

Stabsleiar helse og omsorg