Aurland Kommune

Aurland

Catrine Moberg-Jordalen

avdelingsleiar

<h2>Om stillinga</h2><p>Me  har behov for fleire ferievikarar i perioden 01.06.25 - 31.08.25 ved bu og miljø,  i bufellesskap og BPA-tiltak.</p><p>Skriv i søknaden: </p><ul><li>kvar du ynskjer å jobbe; Vetleli, Vårdraum, personleg assistanse (BPA), heile avdelinga</li><li>når du kan byrje i stillinga</li><li>kor lenge du kan jobbe </li><li>om du ynskjer fri / ferie i løpet sommaren</li></ul><p>I bu og miljø er det fleire ulike turnusar. Me har døgnvakter, langvakter og 3- delt turnus med dag, sein og natt. </p><p>I turnusane der ein går døgnvakter og langvakter er det lagt opp til lengre friperiodar.</p><p> </p><br /><h2>Arbeids- og ansvarsområde</h2><p>Avdelinga yter tenester til menneske med utviklingshemming, andre kognitive funksjonsnedsettingar og til personar med rus- og eller psykiske lidingar.</p><p>Me gir tenester i omsorgsbustader med heildøgns bemanning (Vetleli og Vårdraum), praktisk bistand i heimen til brukarane, eller som brukarstyrt assistanseordningar (BPA i brukar sin heim).</p><p>Tenestemottakarane har av ulik grad behov for bistand i kvardagen. Me jobbar for å legge til rette for at brukaren er delaktig i eige liv i tillegg til å skape ein meiningsfull kvardag for den enkelte.</p><br /><h2>Me tilbyr</h2><ul><li>bli ein del av ein triveleg arbeidsplass der arbeidsmiljø står i sentrum </li><li>gode pensjons- og forsikringsordningar </li><li>løn etter tariff </li><li>studentar under høgskuleutdanning får løn tilsvarande fagarbeidarstilling dersom utdanninga er relevant for stillinga</li><li>sjukepleiestudentar som har fullført medikamentprøve får i tillegg til tariffløn kr 10 000</li><li>ekstra laurdags- og søndagstillegg (kr 10 over tariff)</li><li>gratis inngang til treningsrom i Aurlandshallen </li><li>gratis inngang til symjehallen</li></ul><p>Sjå gjerne informasjonsbrosjyre om kommunen vår <a href="https://www.visbrosjyre.no/Aurland_kommune/WebView/" rel="nofollow">her.</a></p>. Video: https://www.youtube.com/watch?v&#61;aFXLAnqaUbI<br /><h2>Kvalifikasjonar</h2><ul><li>For å dekke desse tenestene treng me sjukepleiarar, vernepleiarar, helsefagarbeidarar, miljøterapeutar, studentar og pleiemedarbeidarar / assistentar.</li></ul><p>Du vil få god opplæring. Lengda på opplæring varierer i dei ulike tiltaka. </p><p>Me ynskjer at opplæringa blir gjort i forkant av ferieavviklinga, frå 15.06.25, og vil legge til rette for opplæring i helgar / ferien og ettermiddagar.</p><br /><h2>Personlege eigenskapar</h2><p>Me legg stor vekt på personlege eigenskapar, og me ynskjer at du;</p><p>- har interesse, og er motivert til å gjere ein forskjell i kvardagen til menneskje med nedsatt funksjonsevne<br />- er audmjuk, fleksibel og løysingsorientert<br />- har evne til samarbeid, og kan kommunisere     godt med pasientar, brukarar og kollegaer<br />- tek initiativ og er engasjert slik at trivnaden til pasient og brukar       skal bli best mogleg<br />- har evne til å arbeide både sjølvstendig og i team<br />- har godt humør og er positiv<br />- tek nye utfordringar</p><p><strong>Våre verdiar er:</strong>  L-Æ-R, som står for Likeverd, Ærlegdom og Respekt.  </p><br /><h2>Løns- og tilsetjingsvilkår</h2><ul><li>tilsetting, løn og arbeidsvilkår er i samsvar med gjeldande lover, reglement og tariffavtale</li><li>me vil prøve å imøtekome ynskje om arbeidsstad og arbeidstid så langt det let seg gjere</li><li>krav om ny politiattest etter helsepersonellova</li></ul><br /><h2>Krav til språk</h2><p>Du bør kommunisere godt på norsk, både munnleg og skriftleg. Aurland kommune nyttar nynorsk som målform.</p><br /><h2>Generell informasjon </h2><p>Aurland kommune praktiserer meiroffentlegheit og kunngjer forenkla søkarlister til ledige stillingar. Søkarar, som har oppmoda om at namnet blir unnateke søkarlista, må krysse av for dette og grunngje valet i søknadsteksten. Me tek kontakt med søkarar som har bedt om dette, dersom me meinar at grunngjevinga ikkje er tilstrekkeleg. </p><p>Mangfald kan gje oss eit breiare perspektiv. Medarbeidarar med ulik livserfaring og fagkombinasjonar kan gjere oss i stand til å finne gode løysingar i kommunen vår. Me oppfordrar derfor alle til å søke jobb utan omsyn til alder, kjønn, funksjonsevne eller etnisk bakgrunn. Du er også velkomen til å søke sjølv om du ikkje kan syne til ei samanhengende yrkeskarriere. </p><p>Me ynskjer deg velkomen som arbeidssøkar i Aurland kommune.</p><br />

Sommarvikarar i bu og miljø